106. A nyitrai káptalannak bizonyságlevele, mikép Cholknak fiai mint szomszédok beleegyeztek, hogy Endre comes fiai bizonyos javaikat eladhassák. 1294.

Capitulum Nitriensis Ecclesie oraciones in Domino tam debitas quam deuotas. Humana pereunt negocia, si litterarum non fuerint testimonio roborata. Proinde ad vniuersorum noticiam barum serie volumus peruenire: quod Alexander, Andreas et Nicholaus filij Cholk coram nobis personaliter constituti super possessionibus Busuch, Hyzer, Patkanteleke et Selk nuncupatis, tanquam commetanei et uicini earundem possessionum Magistro Andree et Nicholao fratri eiusdem, filijs Comitis Andree, consensum prebuerunt beniuolum ad emendum sine contradiccione eisdem relinquentes. Ne igitur ulla materia contradiccionis seu questionis deinceps super predictis possessionibus a parte eorundem filiorum Cholk prescriptorum antefatis Magistro Andree et Nicolao possit euenire, nostris litteris priuilegialibus fecerunt confirmari. In cuius rei memoriam pleniorem presentes concessimus litteras sigilli nostri munimine roboratas. Datum VIII. idus mensis Marcij anno Domini millesimo CC° nonagesimo quarto. Ecclesie nostre Lectore Magistro Farcasio existente.

A B C

(Eredetie bőrhártyán, melyről a pecsét vörös selyemzsinóron függ; a budai. kir. kamarai levéltárban.)