094. III. Endre királynak Dubos helységet tárgyazó itéletlevele Aba nemzetségbeli Guden mester és Kuke Jakab comes közt. 1294.

Nos Andreas Dei gracia Rex Vngarie memorie commendantes significamus vniuersis; quod cum contencio super quadam possessione Dubos uocata inter nobiles viros Magistrum Gudem filium Comitis Petri de genere Aba ex vna parte, et Comitem Jacobum dictum Kuke ex altera mota fuisset coram nobis; ita quod eandem possessionem dictus Comes Jacobus, Pauli et Cosme filiorum Cosme fratrum vxoris sue fore asserebat, et eorum nomine eundem Magistrem Gudem prohibuisset coram nobis; e conuerso autem idem Magister Gude eandem possessionem Dubos, et ad ipsam spectantes, ordine iudiciario ad se deuolutam asserebat, et super hoc instrumenta habere se dicebat. Nos itaque partibus sic altercantibus assignauimus terminum competentem sua instrumenta exhibendi coram nobis. Adueniente itaque termino per nos assignato idem Comes Jacobus non comparuit, neque misit, et nulla prorsus voluit exhibere instrumenta; et sic in sua defecit accione. Comes uero Petrus pater ipsius Magistri Gude, et idem Magister Gude coram nobis personaliter comparentes, exhibuerunt nobis litteras quam plures et diuersas diuersorum Judicum super processu negocij in requisicione quarte domine matris ipsius Magistri Gude sororis Thome Bani sine herede decedentis de possessione sua Dubos vocata et pertinencium earundem, ab Alexandro et alijs fratribus suis emanatas; et inter cetera litteras Comitis Dominici quondam Viceiudicis Curie domini Ladizlai Regis, in quibus vidimus contineri quod cum super faciem possessionis Dubos vocate, porcionem videlicet Thome Bani pro quadringentis marcis estimate estimatores accessissent ad hoc, vt ijdem estimatores presente homine domini Regis et testimonio Capituli Agriensis ad ualorem centum marcarum pro quarta domine matris eiusdem Magistri Gude, que in eiusdem cedit porcionem, estimando statuere debuissent contradiccione qualibet non obstante, et duo iudicia, in quibus racione dicte quar te idem Alexander dinosscitur remansisse, de dicta possessione Dubos iuxta formam litterarum Judicis memorati exigere: idem Alexander manu armata cum suis veniens de eadem possessione, uerba obprobriosa eisdem inferendo expulisset, et in exaccione ipsorum iudieiorum cum omnibus seruientibus ac populis suis manu armata iterato irruisset in eosdem, et dictum hominem domini Regis de equo suo turpiter deiecisset; hominem uero Capituli memorati, ac alios, qui inibi accesserant, scilicet estimatores et partem aduersam, iactu sagitarum et baculorum ac percussionibus fentium in equis eorundem, vituperia quam plurima imponentes, turpiter effugassent. Et quia predictus Alexander nec estimacionem, nec eciam statucionem dicte pessessionis fieri permisit, ymo potencialiter insurgendo hominem domini Regis, et testimonium Capituli Agriensis modo prehabito uerberauit: pro hys omnibus possessionem suam Dubos vocatam, de qua exeundo premissa omnia perpetrauit amiserat contra Magistrum Gudem memoratum; et sic in eandem possessionem idem Magister Gude sentencialiter fuerat introdactus. Et quia super premissa introduccione omnino contradixerat, et iterato citatus in presencia ipsius Judicis comparuisset, omnia premissa se fecisse denegauit; dicendo quod littere Capituli dicto Judici transmisse, in quibus uerbe racio hominis domini Regis et sui testimonij continebatur, omnino false essent falso modo emanate, non ex consciencia et uoluntate Capituli memorati. Quibus auditis idem Judex suspendendo totale negocium dictas litteras Capituli memorati in panniculo inclusas sub capite sigilli sui ipsi Capitulo remiserat, vt uiderent et diligenter inspicerent, et ad fidem eorum Deo debitam et Corone domini Regi per suas litteras remandarent: vtrum eedem littere false essent uel uere, et iusto modo uel de pura consciencia eorum emanate; prout in litteris dicti Judicis ipsi Capitulo transmissis vidimus contineri. Quod quidem Capitulum dictas litteras suas, per ipsum Alexandrum falsificatas, sibi modo prehabito in panniculo transmissas, veras esse et iusto ac legitimo modo emanatas et de pura consciencia sua intimarunt; prout in litteris ipsorum super premissa serie domino Regi destinatis comperimus euidenter. Hys itaque peractis, cum idem Judex iterato ad porcionem dicti Thome Bani pro quadringentis marcis estimatam eosdem estimatores accedere decreuisset, ipso Alexandro personaliter comparente et assumpmente, ad hoc ut porcionem ad ualorem centum marcarum estimando de eadem possessione statuerent Magistro Gude memorato; et ijdem estimatores termino ad hoc deputato super faciem ipsius possessionis ad estimandum eandem accessissent: idem Alexander presentialiter ibi comparendo, totalem porcionem Th. Bani de predicta possessione Dubos et ad ipsam pertinentibus, Pauli et Deegh vocatis, cum omnibus utilitatibus et pertinencijs suis vniuersis dimisisset, dedisset et statuisset Comiti Petro et Magistro Gude antedictis, racione quarte domine sororis eiusdem Thome Bani matris ipsius Magistri Gude de totali possessione eiusdem Th. Bani cedenti, iure perpetuo et irreuocabiliter possidendam, estimacione quidem super ipsa nulla facta. Super quibus memoriales litteras dicti Capituli Agriensis per dominum Ladizlaum Regem fratrem nostrum karissimum patruelem patentibus suis litteris confirmatas exhibuerunt coram nobis; preterea ipsos Alexandrum, Paulum et Cosmam filios Cosme in litteris diuersorum Judicum exinde confectis non comparendo, nec mittendo, comperimus iu processu negocij predicti contra ipsos Comitem Petrum et Magistrum Gudem in viginti judicijs remansisse. Nos itaque uisis et perlectis omnibus instrumentis seu litteris per ipsos Comitem Petrum et Magistrum Gudem exhibitis diuersorum Judicum et Capituli Agriensis, una cum Baronibus nostris sentencialiter duximus decernendum; vt eadem possessio Dubos totalis, cum suis pertinencijs Pauli et Deegh vocatis; porcio videlicet Thome Bani, pro quarta domine sororis sue de totali possessione sua cedenti, et porcio Alexandri predicti, tum pro uerberacione hominis domini Regis et Capituli Agriensis testimonij, cum pro de honestacione estimatorum per memoratum Judicem destinatorum; cum eciam pro falsificacione litterarum Capituli Agriensis prenotati; porcio uero Pauli et Cosme filiorum Cosme in ipsa possessione Dubos ipsos contingens, pro prenotatis viginti judicijs, que in toto sexaginta marcas faciunt, eisdem Comiti Petro et Magistro Gude tanquam veris possessoribus statuantur. Hoc tamen expresso, quod si ijdem Paulus et Cosmas filij Cosme, aut aliqui alij commetanei uel vicini ipsuis possessionis Dubos eandem redimere voluerint, aut contra ipsos. Magistrum Gudem et Comitem Petrum aliquid accionis habuerint, eosdem de eadem possessione ad nostram debeant Presenciam euocare; ipsis Comite Petro et Magistro Gude in ipsa possessione Dubos et ad ipsam pertinentibus tanquam ueris possessoribus permanentibus: et sic coram nobis experiantur cum eisdem, uel suas acciones contra eosdem ordine iudiciario exequantur. Datum sub castro Adryan feria secunda proxima ante festum Natiuitatis Virginis Gloriose anno Domini millessimo ducentesimo nonagesimv quarto.

(Eredetie bőrhártyán, a hátul oda nyomott pecsét nagyobbrésze már szétmállott; a budai kir. kamarai levéltárban.)