084. Az egri, káptalannak Mera nevű föld határjárását és statutióját tárgyazó bizonyságlevele Bugachi István mester számára. 1293.

Omnibus Christi fidelibus tam presentibue quam futuris presens scriptum inspectaris Capitulum Ecclesie Agriensis salutem in omnium saluatore. Ad vniuersorum noticiam tenore presencium volumus peruenire, quod Magister Stephanus de Bugach ad nostram personaliter accedens presenciam exhibuit nobis litteras domini nostri Andree Dei gracia Illustris Regis Hungarie, continentes, quod mitteremus hominem nostrum pro testimonio fidedignum, coram quo Olyuerius de Fulnempthy homo ipsius domini Regis reambularet quandam terram prefati Magistri Stephani Mera vocatam, a Magistro Ladizlao filio Comitis Thekus titulo empcionis ad se deuolutam, presentibus Lazk, Desev, Rolando, Leukus, et Stephano, filijs Magistri Stephani, Thekus filio Comitis Bach, ac Johanne filio Comitis Dyonisij, nec non alijs vicinis et commetaneis eiusdem terre; et statueret eidem Magistro Stephano, si non fieret contradictum; contradictoribus si qui fierent ad Presenciam ipsius domini Regis euocatis. Nos igitur mandato ipsius domini Regis obtemperantes, vt tenemur, cum predicto Olyuerio homine eiusdem domini Regis misimus hominem nostrum fidedignum; qui ad nos reuersus dixit, quod coram eo predictus Olyuerius terram antedictam presentibus prefatis filijs Magistri Stephani filij Comitis Thekus, item Thekus filio Comitis Bach, Johanne filio Comitis Dyonisij, et alijs vicinis et commetaneis predicte terre Mera, eandem reambulasset in certis metis et terminis, et statuisset Magistro Stephano prenotato; et nullus extitisset contradictor. Cum autem omnia premissa ipsi domino Regi rescripsissemus; idem dominus Rex nobis rescripsit in hunc modum:

Andreas D. gr. Rex Hungarie stb. (következik III. Endre király rendelete mint fentebb 78. sz. a.)

Nos igitur mandatis ipsius domini Regis obtemperantes, vt tenemur, iuxta formam predictarum nostrarum super reambulacione et statucione predicte terre Mera dicto Magistro Stephano facta ipsi domino Regi transmissarum, eidem Magistro Stephano nostrum concessimus priuilegium. In cuius rey testimonium presentes concessimus sigilli nostri munimine roboratas. Presentibus tamen Magistro Stephano Preposito, Saulo Lectore, Mathya Cantore, Mikov Custode, Martino de Pacha, Simone de Zemlyn, Nycolao de Borsua, Renaldo de Sumkun, Petro de Kemey, Dominico de Heues Archidiaconis, et alijs multis. Anno Domini M°CC° nonagesimo tercio. Regnante Andrea Illustri Rege Hungarie; Lodomerio Strigoniensi, Johanne Colocensi Archiepiscopis; et domino nostro Reuerendo patre Andrea Dei gracia Episcopo Agriensi existentibus-

(Eredetie bőrhártyán, a zöld-vörös selyemzsinóron függött pecsét elveszett; a budai kir. kamarai levéltárban.)