081. A budai káptalannak bizonyságlevele, hogy a Kachug nemzetségbeli hentesek a köztük a váczi káptalan előtt történt birtokosztályt foganatositották. 1293.

Nos Capitulum Ecclesie Budensis damus pro memoria, quod Magister Simon et Thomas filij Michaelis filij Folcus de genere Kachuk pro se et pro fratribus suis carnalibus ac cognatis de generacione eorum propinquis ab una parte; item Magister Farkasius filius Folkus frater eorundem ab altera, coram nobis personaliter constituti; ijdem Magister Simon et Thomas dixerunt, quod cum ipsi et fratres ipsorum ac cognati de generacione eorum super diuisionibus ab olym in possessionibus eorum hereditarijs, empticijs et acquisitis, scilicet Scechen, Rymoth et Almas nuncupatis inter ipsos iuxta priuilegium honorabilis Capituli Wachyensis factis seu habitis essicassent (?); idem Magister Farkasius in stabilitatem pacis perpetue et mutue dileccionis fraternalis ipsum priuilegium Capituli Wachyensis ad eorum peticionem exhibuisset eisdem, quo viso et perlecto diuisiones factas iuxta continenciam eiusdem priuilegij Capituli Vachyensis ratas habuissent, et eciam nomine suo et nomine fratrum et cognatorum suorum ratas et firmas habuerunt coram nobis, possessiones habitas in ipsa communi diuisione iuxta formam priuilegij antedicti eidem Magistro Farkasio et filijs eiusdem perpetualiter pacifice relinquendo. Assumpserunt nichilominus propter perpetuam pacem obseruandam, et obligauerunt se idem Magister Simon et Thomas ac fratres eorum absentes, vt si processu temporum ipsi vel fratres eorum ac cognati predictam diuisionem retractare, vel ipsum Magistrum Farkasium aut filios ipsius pretextu dictarum possessionum in diuisione habitarum coram quolibet judice conuenire seu in causam trahere attemptarent, omnino pro conuictis haberentur eo facto. Et cum presentes nobis fuerint reportate, super premissis ipsi Magistro Farkasio et filijs eiusdem nostrum priuilegium non obstante absencia partis aduerse conferemus. Datum in quindenis Natiuitatis Beati Johannis Baptiste anno Domini M°CC° nonagesimo tercio.

(Szepesi Jakab országbirónak 1379-ki átiratából; a budai kir. kamarai levéltárban.)