Nos Andreas Dei gracia Rex Hungarie memorie commendantes significamus quibus expedit vniuersis, quod Magister Demetrius filius Nicolai de Zolom dilectus et fidelis noster coram nobis personaliter comparendo quandam terram Chemerna vocatam, vicinantem terre Nicolai filij Stepek seruientis sui similiter Chemerne nominate, in Lypto existentem, que a Stephano filio - - - et - - filio Benne racione mortis Petrie de Chouanka per eosdem interfecti extiterat ad eundem Magistrum Demetrium deuoluta, dedit et contulit ex nostra permissione seu voluntate eidem Nicolao pro seruicija et famulatibus eiusdem sibi impensis perpetualiter possidendam. Et cum presentes nobis reportate fuerint, nostrum super hoc priuilegium eidem conferemus. Datum in Scepes in festo decollacionis Beati Johannis Baptiste anno Domini M°CC° nonagesimo tercio.

(Ugyan III. Endre királynak 1300-ki megerősítő privilégiumából mint alább; az Okolcsányi család levéltárában.)