Capitulum Jauriensis Ecclesie vniuersis Christi fidelibus presentes litteras inspecturis salutem in Domino sempiternam Ad vniuersorum noticiam harum serie uolumus peruenire; quod nobili uiro Magistro Arnoldo filio Comitis Arnoldi de genere Buzad ab una parte; Ihoanka filio Gatal de Comitatu Supruniensi, pro se et pro Ladizlao fratre suo uterino ex altera coram nobis personaliter constitutis; idem Magister Arnoldus retulit uiua uoce, quod cum per multas perplexitates rerum mundanarum, et maxime propter seuiciam temporis inpacati, qua malignorum uersucia oppressum multipliciter se, et quoddam Castrum suum Pyliske uocatum dicebat extitisse indebite occupatum, quandam possessionem suant hereditariam Purpah uocatam, in confinio Regni Austrie iu Comitatu Supriniensi existentem, quam possessionem ipse Magister Arnoldus Alberto dicto Stus de Trothman ministeriali Regni Austrie pignori obligarat, et eandem dicti Ihoanka et Ladizlaus pro sexaginta tribus marcis finiti argenti cum pondere Theothonicali redemerant ab eodem, inter alias necessitates suas predictas pro redempcione Castri sui supradicti compulsus fuisset uendicioni exponere, cum ei alias dicti Castri redimendi facultas non suppeteret; requisitis uniuersis cognatis, proximis et vicinis, qui ipsam possessiouem, ut dicebatur, emere et comparare noluerunt, de permissione, voluntate et beneplacito eorundem, sicut sepedictus Magister Arnoldus retulit, dedit vendidit et tradidit supradictis Ihoanka et Ladizlao affinibus et cognatis suis, ne ipsa possessio in manus exteras elongetur, et per eos heredibus eorundum heredumque suorum iu posterum successoribus, pro quadringentis marcis finiti argenti ad pondus Theothonicale cum omnibus utilitatibus sepedicte possessionis et pertinencijs vniuersis, secundum quod ipse Magister Arnoldul et progenitores sui pacifice possederunt usque modo, perpetuo et irreuocabiliter possidendam. Quas quidem quadringentas marcas finiti argenti idem Magister Arnoldus cum supradicto pondere plenarie confessus est se habere; recipiendo nichilominus antedictas sexaginta tres marcas ab eisdem filijs Gatal in sumpnam quadringentarum marcarum predictarum. Tali inter partes paccione et obligacione habitis et adiectis: quod quicunque processu temporum ipsam possessionem ab eisdem Ihoanka et Ladizlao et heredibus eorum repetere attemptauerit, dictus Magister Arnoldus et heredes sui contra quemlibet eosdem proprijs laboribus et expensis tenebuntur expedire; proprietate sepedicte possessionis apud eosdem Ihoankam et Ladizlaum et heredes ipsorum inmutabiliter permanente. Nec pretermittimus, quod Vencezlaus, filius Gyanur dieti, sua et Jacobi fratris sui, ac aliorum proximorum suorum nomine; item Jacobus, filius Myrkur dicti, similiter suo et fratrum ac consanguineorum suorum nomine personaliter comparendo, uendicioni huiusmodi purum et plenum consensum prebuerunt pariter et assensum. In cuius rei memoriam et perpetuam firmitatem presentes concessimus litteras sigilli nostri munimine consignatas. Datum anno Domini M°CC° nonagesimo secundo, tercio kalendas Decembris; Magistris Carachino Preposito, Dominico Cantore, Boors Lectore, Stephano Custode Ecclesie nostre existentibus.
A B C
(Eredetie bőrhártyán, zöld-sárga selyemzsinóron függő pecsét alatt; a budai kir. kamarai levéltárban.)