034. IV. Miklós pápa a szava-i püspökség betöltése iránt intézkedik. 1291.

Nicolaus Episcopus servus servorum Dei venerabili fratri... Archiepiscopo Antibarensi, salutem et Apostolicam benedictionem. Per tuas et etiam carissime in Christo filie nostre Elene Regine Servie illustris litteras nuper nobis transmisas accepimus, quod in Albanie partibus iuxta Sclavos quedam habetur Civitas, Sava nomine, que iam longi temporis spatio distructioni succubuit, eius incolis per diversa loca dispersis; se de novo in Civitate predicta quamplures viri Catholici de incolarum ipsorum progenie, ut dicitur, existentes, et alii etiam diversarum partium convenerunt, moramque in illa continuam contrahunt, Episcopum cum instantia postulantes. Quapropter quod predicte Civitatis clerici ad electionem procedentes Episcopi, quendam presbiterum Petrum nomine, virum utique catholicum et fidelem, in suum et eiusdem Civitatis elegerunt Episcopum et pastorem, petendo, a te, utpote Metropolitano ipsorum humiliter et instanter, ut electionem huiusmodi auctoritate tibi tradita confirmares: sed petitioni eorum annuere noluisti, nisi prius super hoc a nobis licentiam obtineres. Quare tu et prefata Regina a nobis supplicastis humiliter, ut super hoc providere de benignitate solita dignaremur. Nos igitur ad augmentum Catholice fidei sollicitis studiis intendentes, et volentes, ut expedit, salubriter et mature procedere, ac tuis et ipsius Regine desideriis benigne annuere, inhac parte gerentes quoque de tue circumspectionis industria fiduciam in Domino specialem, fraternitati tue per Apostolica scripta mandamus, quatenus si, inquisita de modo electionis, elegentium studiis et electi meritis diligentius veritate, dictam electionem canonicam et de persona ydonea inveniris canonice cnlecratam, ipsam de consilio dilectorum filiorum... Prioris Predicatorum et... Guardiani Minorum Fratrum Ordinum de Ragusio, auctoritate nostra confirmare procures, ac eidem electo munus consecrationis impendas, faciens sibi a suis subditis obedientiam et reverentiam debitam exhiberi. Alioquin, electione predicta, rite cassata, eisdem clericis de aliqua persona catholica ydonea et Apostolice Sedi devota, que tanto congruat oneri et honori, hac vice auctoritate predicta, de ipsorum tamen Prioris et Guardiani consilio, providere non differas in Episcopum et pastorem. Contradictores etc. Datum apud Urbemveterem. II. Idus Junii, Pontificatus nostri anno quarto.

(Theiner, Vetera Monumenta Slavorum Meridionalium historiam illustrantia. I. köt. 111. l.)