Fennena Dei gracia Regina Hungarie vniuersis Christi fidelibus tam presentibus quam futuris presens scriptum inspecturis salutem in eo, qui Regibus dat salutem. Ad vniuersorum noticiam tenore presencium uolumus peruenire; quod discretus vir Magister Andronicus Prepositus. Ecclesie Wesprimiensis, suo et eiusdem Wesprimiensis Ecclesie Capituli nomine, ad nostram accedens presenciam exhibuit nobis priuilegia domine Elisabeth quondam Regine Hungarie, consortis domini Ladizlai Regis inclyte recordacionis, socrus nostre karissime, super collacione cuiusdam terre Beren vocate confectum; petens cum instancia, vt ipsa priuilegia approbare, ratificare, et nostro dignaremur priuilegio confirmare. Quorum quidem priuilegiorum tenores tales sunt:

Elisabeth D..gr. Regina Hungarie stb. (következik Erzsébet királynénak 1280-ki adománylevele, mint gyüjteményünk IV. kötetében 219. l.)

Elisabeth D. gr. Regina Hungarie stb. (következik Erzsébet királynénak 1289-ki megerősítő okmánya, mint u. o. 341. l.)

Nos igitur peticionibus eiusdem Magistri Andronici Prepositi Wesprimiensis iustis et legitimis fauorabiliter inclinate, predicta priuilegia domine Elisabeth Regine non suspecta, non cancellata, non abrasa et non abolita, approbantes ratificamus presentibus inseri facientes et presencium patrocinio communiri. In cuius rei memoriam firmitatemque perpetuam presentes concessimus litteras duplicis sigilli nostri munimine roboratas. Datum per manus venerabilis patris domini Andree Dei gracia Episcopi Agriensis aule nostre Cancellarij fidelis nostri, anno Domini M°CC° nonagesimo primo.

(Eredetie bőrhártyán, melyről a pecsét sárga-zöld-ibolyaszinű selyemzsinóron függött, a veszprémi káptalan levéltárában.)