F. Dei gracia Regina Hungarie omnibus Christi fidelibus presentem paginam inspecturis salutem in omnium saluatore. Decet mansuetudinem Reginalem consideracionis oculis singulorum merita permetiri, eosque dignis attollere donatiuis, quos iuxta dignitatis sue gradum constat utilitatibus publicis insudasse. Proinde ad vniuersorum noticiam harum serie uolumus peruenire, quod venerabilis vir Magister Theodorus Prepositus Albensis Ecclesie, aule domini Regis, karissimi consortis nostri, Vice-Cancellarius a nostra pecijt Maiestate, vt collacionem dudum sibi et Comiti Ladizlao ac Nicolao fratribus suis factam per dominam E. quondam Illustrem Reginam Hungarie super quadam terra Reginali Iwanch uocata iuxta Danobium (így) existenti, cum omnibus suis vtilitatibus et pertinencijs, prout ad Reginalem pertinet Maiestatem, ratam habere, nostroque dignaremur priuilegio confirmare, ipsas donacionis litteras nostre Celsitudinis manibus offerendo. Quarum quidem litterarum tenor talis est:

Nos E. Dei gracia Regina Hungarie stb. (következik Erzsébet királynénak adománylevele, mint gyűjteményünk IX. vagyis a második folyam IV. kötetében 571. l.)

Nos itaque interne consideracionis oculis recensentes eiusdem venerabilis uiri Magistri Theodori Prepositi Albensis sumpmam prerogatiuam et preroganciam meritorum, quibus nobis tota inicia celebrandi matrimonij Diuina dispensacione celitus ordiuati, cum iuxta Salomonis sapienciam coniugium a Domino perpetuo astitit et affuit suis obsequijs reuerendys per multa terrarum spacia iutra nostra incolatus dominia nersus Poloniam peragraudo, suis laboribus, et suorum ac inpendijs proprijs non parceudo, gratumque nobis semper erga aulam Regiam et extrinsecus in uostris ministerialibus et officijs inpenderit famulatum, vt digne remuneracionis brauio merito debeat a nostra Celsitudine iusigniri; multisque laudum preconijs in expedicione Regia contra dominum Albertum Illustrem Ducem Austrie Diuinitus informata, vbi secum protraxerat multitudinem nobilium armatorum, probabiliter commendetur; et generaliter omnia Regni negocia eius prouido et prouidenti consilio disponantur. In solacium et solamen venerabilium et excellencium meritorum, que nequeunt commode presentibus explicari, dictam collacionem domine E. quondam Regine, in persona eiusdem, et Ladizlai, ac Nicolai fratrum suorum, ratam et gratam habentes, auctoritate presencium duximus confirmandam. Vt igitur prefata collacio seu donacio nulla valeat inposterum inprobitate convelli, nullaque temporum uicissitudine perturbari, in eternam rei memoriam pre sentes concessimus litteras duplicis sigilli nostri munimine roboratas. Datum per manus venerabilis patris B. Dei gracia Episcopi Wesprimiensis aule nostre Cancellarij fidelis nostri, anno Domini M°CC° nonagesimo (primo.)

(Eredetie a Rumy család levéltárában, másolata a magyar akademia kézirattárában.)