Nos Conuentus de Zala damus pro memoria, quod lomina relicta Comitis Nicolay filij Chak Bani ab una parte, et Ladizlaus filius Borochey pro domino suo Comite Ochuz ab altera coram nobis personaliter astantibus; eadem domina porcionem suam in possessione Oltaruch uocata, totam dixit vendilisse Comiti Ochuz pro tanta pecunia, pro quanta viri probi et discreti ad hoc prouocandi ante proximum diem Sancti Martini confessoris iusticia mediante poterunt estimare. Predictus itaque Ladizlaus pro domino suo Comite Ochuz ipsi domine persoluit quinque marcas in racionem porcionis possessionis memorate. Attamen omnibus occasionibus postpositis in sequenti octaua Sancti Martini Comes Ochuz precium siue censum totum predicte possessionis, pro quanto estimabitur, tenetur persoluere coram nobis domine antedicte; et si sub aliqua fraude persoluere negligeret, amittet pecuniam prius persolutam; et postmodum predicta domina cuiquam voluerit, possessionem suam predictam liberam habebit vendendi facultatem. Datum secunda feria proxima ante festum Natiuitatis Beate Virginis.

Kivül: Contra relictam Comitis Nicolai (quoad porcionem in) Oltaruch pro Comite Ochuz.

(Eredetie bőrhártyán, a zárpecsét elveszett; a budai kir. kamarai levéltárban.)