412. IV. László királynak a nagyváradi káptalanhoz intézett, Damarad, Dobos és Byztruch helységeket tárgyazó iktatási parancsa, Mihály comes s fiai, István és Pál mesternek számára. Év nélkül.

Ladizlaus Dei gracia Rex Hungarie fidelibus suis Capitulo Waradiensi salutem et graciam. Stephanus et Paulus Magistri filij Comitis Mychaelis fidelis nostri quasdam terras Jwne, filij Jwne, Abod iuxta Tyciam et Zokol in Comitatu de Zobolch existentem (igy); item Stephani filij Lewka Bwsal et Oyk vocatas; item terram Farcasij Kemeche nominatam; ac terram Fwdor Jeke appellatam, sine heredum solacio decedencium, ad nostras manus Regias de nostri Regni ab antiquo consuetudine iuste et legitime deuolutas, a nobis sibi dari postularunt. Sed quia de qualitate et quantitate dictarum terrarum, et utrum homines supradicti sine heredum solacio fuerint destituti nec ne, nobis ad plenum ueritas non constat volumus et fidelitati uestre precipiendo mandamus, quatenus mittatis hominem vestrum pro testimonio fidedignum, coram quo Johannes filius Manthus homo noster accedat super faciem terrarum superius nominatarum, et easdem presentibus omnibus commetaneis et vicinis per veteres metas et antiquas reambulando cum utilitatibus et pertinencijs earundem vniuersis predictis Stephano et Paulo Magistris statuat et assignet possidendas, si non fuerit contradictum; contradictores uero, si qui fuerint, ad nostram citet Presenciam ad terminum competentem; et posthec diem citacionis, nomina citatorum, terminurn assignatum, qualitatem et quantitatem dictarum terrarum, ac cursus metarum earuudem nobis fideliter rescribatis. Datum in Zekas in octauis Pentecostes.

(Eredetie bőrhártyán a zárpecsétnek töredéke még megvan; a nemes Kállay család levéltárában.)