Ladizlaus Dei gracia Rex Hungarie fidelibus suis Hench et socijs suis Comitibus Camere sue salutem et graciam. Cum tributum de Orochlonheda sit ab antiquo institutum, collatum olim a Serenissimo Rege domino Stephano karissimo patre nostro inclite recordacienis Abrac filio Ponych, patri videlicet Petri pupilli eiusdem Abrae, prout ex tenore litterarum eiusdem patris nostri confirmatarum cum nostro priuilegio nobis constitit euidenter: fidelitati uestre mandamus precipiendo, quatenus dictum tributum prohiberi seu aboleri non faciatis ullomodo, sed exigi seu recipi permittatis, prout per eundem Regem patrem nostrum institutum fuerat et concessum. Datum in Chuth in festo Sancti Jacobi Apostoli.

(Eredetie bőrhártyán, melynek hátára nyomott pecsétje már elveszett, a nemz. muzeum irattárában.)