A B C D
Capitulum Jauriensis Ecclesie omnibus Christi fidelibus presentes litteras inspecturis salutem in Domino. Ad vniuersorum noticiam harum serie uolumus peruenire, quod Nicolaus filius Sebe, Chepanus et Laurencius de Sytke, Sebe filius Zobolch, Beke et Paulus filij Pauli, nobiles de generacione Jaak, pro se et pro Nicolao, Paulo, Beke, Dionisio et Zoch filijs Zoch, item Martino et Paulo filijs Ladizlai et pro Ladizlao filio Dyonisij proximis suis ab una parte; Comes Jaak filius Ebed, pro se et pro Renoldo fratre suo, nec non pro Stephano filio suo; item Johannes filius Tristani, Kemen filius Kemen, Michael filius Thome, et Gregorius filius Sandur pro se et pro Johanne filio Martini ac Myke filio Benedicti, nobiles de eadem generacione Jaak ex altera, ad nostram presenciam personaliter accesserunt; et predictus Nicolaus filius Sebe astantibus eidem prefatis Chepano, Laurencio, et eorum propinquis memoratis, uolentibus, consencientibus et in nullo contradicentibus, assumpmendo promisit et promittendo se obligauit, quod si possessiones hereditarias, unam videlicet quam habet in Jaak apud ecclesiam Sancti Michaelis Archangeli, et aliam Keuruselu uocatam uendicioni exponere uoluerit, siue pignori obligare, non alijs nisi Renoldo et Jaak Comitibus ac eorum proximis antedictis uendere poterit seu pignori obligare; et quod plus est, si dictus Nicolaus in legandis et donandis eisdem possessionibus sue saluti uoluerit prouidere, remanentibus ipsis possessionibus apud dictos filios Ebed et proximos eorum, eis cuicunque uel quibuscunque eedem date fuerint et collate, ijdem filij Ebed et proximi sui soluent pecuniam, super qua per probos homines fuerint extimate. Preterea partes pro bono pacis perpetuo durature ordinauerunt inter se, quod quia possessiones ipsarum parcium per aquam et siluam Baba distinguntur possessionibus videlicet Chepani et Laurencij ac proximorum suorum predictorum a meridie, et ab oriente, et possessionibus prefatorum filiorum Ebed et proximorum suorum a parte predicte aque uersus aquilonem remanentibus; de cetero neque Chepanus, Laurencius, et proximi eorum a parte possessionum filiorum Ebed et propinquorum suorum; et e conuerso neque filij Ebed et propinqui sui a parte possessionum Chepani et Laurencij et proximorum eorum aliqua racione uel aliquo titulo mediantibus poterunt aliqua iura porcionis uendicare. Addiderunt insuper, quod si sepedictus Nicolaus prefatas possessiones ex fauore dileccionis sepedictis filijs Ebed et proximis eorum siue in nita siue in morte liberaliter donauerit, erit sibi liberum facere. In quem eciam articulum Chepanus et Laurencius ac proximi eorum pure et simpliciter consenserunt. In cuius rei memoriam presentes concessimus litteras nostro sigillo roboratas. Datum feria quinta post festum Beati Georgij martiris anno Domini millesimo ducentesimo nonagesimo. Magistris Carachino Preposito, Dominico Cantore, Bors Lectore, Stephano Custode Ecclesie nostre existentibus.
A B C D
(Eredetie bőrhártyán, melynek függő pecsétje már lehullott; a nemz. muzeum kézirattárában.)