367. A zalavári konventnek bizonyságlevele, hogy Chák bán fiai bizonyos Roykban lévő birtokrészt Ochuz comesnek, Buzad comes fiának eladtak. 1289.

Johannes Diuina prouidencia Prepositus et Conuentus Monasterij Sancti Stephani Prothomartiris de Promontorio Waradiensi omnibus Christi fidelibus tam presentibus quam futuris presens scriptum inspecturis salutem in salutis largitore. Igitur ad vniuersorum noticiam tenore presencium volumus peruenire: quod cum Ders filio Paznani de Sancto Johanne, et Paznano filio ipsius, ac Michaele pro se, Comite Zabolch patre suo, et Alberto fratre suo (de) generacione dicti Paznani ab vna parte, Ruphayn Bano ab altera coram nobis personaliter constitutis, dictum extitit per Ders et Paznanum filium ipsius et relatum, quod cum quandam possessionem suam hereditariam Thurna vocatam in Prouincia Nyr existentem, in vicinatu commetaneitatis possessionis ipsius Ruphayn Bani Debrecen vocate, in qua Ecclesia in honore Beate Virginis Gloriose est constructa, quam eidem Rophayn Bano pro viginti sex marcis pignori obligauerat usque tercium termini sub pena dupli, si non redimerent; tandem ipsis terminis occurrentibus redimere non potuerunt: ideo Sthephano filio Nathk, qui pro se et fratribus suis personaliter constitutis nobilibus de Scepes vicini et commetanei predicte terre in nullo contradicentibus, sed magis uolentibus et consencientibus, vendidisse pro viginti sex marcis et duppli earum dixe runt eandem ipsi Ruphayni Bano, et per eum auis heredibus heredumque suorum successoribus pro octuaginta marcis plene habitis et receptis ab eodem perpetuo possidendam, tenendam et pariter habendam cum suis vtilitatibus et ad eandem pertinencijs vniuersis. In cuius memoriam firmitatemque perpetuam presentes concessimus litteras pendentis sigilli nostri munimine roboratas. Datum in octauis Cozme et Damiani Beatorum nostrorum anno Domini MşCCş octuagesimo nono

(Eredetie bőrhártyán, megyszinű selyemzsinóron függő pecsét alatt; a budai kir. kamarai levéltárban.)