324. IV. László király rendelete Buda város előljáróságához, hogy a nyúlszigeti apáczazárda számára a zalánkemeni és zimonyi kereskedőktől a vámot beszedje. 1287.

Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentem paginam inspecturis salutem in omnium saluatore. Equitas suadet et requirit, ut quod cuique iustis et legitimis racionibus datur uel relinquitur, id solidum debeat perpetuo permanere. Proinde ad uniuersorum tam presencium quam futurorum noticiam tenore presencium harum serie uolumus peruenire; quod nos consideratis fidelitatibus et seruiciorum meritis Comitis Petri, filij Magistri Nycolai, nepotis Weech, que nobis in diuersis expedicionibus Regni nostri tam generalibus quam particularibus fideliter inpendit et indefesse, quandam terram Reginalem Burus Bela uocatam in Comitatu Strigoniensi existentem, per dominam E. consortem nostram karissimam mediante priuilegio eiusdem eidem donatam et collatam, dedimus et reliquimus cum omnibus utilitatibus suis et pertinencijs dicto Comiti Petro, et per eum suis fratribus perpetuo posidendam; eo tamen modo et ea plenitudine, quemadmodum ipsa terra mediante priuilegio dicte consortis nostre karissime per eundem Comitem Petrum antea habita extitit et possessa. In cuius rey memoriam perpetuamque firmitatem prensentes concessimus dupplicis sigilli nostri: munimine roboratas. Datum per manus discreti uiri et Magistri Theodori Prepositi Scybiniensis aule nostre Vice Cancellarij dilecti et fidelis nostri anno Domini MşCCş octuagesimo septimo, Regni autem nostri anno sedecimo.

(Eredetie bőrhártyán, a sárga-vörös selyemzsinóron függött pecsét elveszett; a budai kir. kamarai levéltárban.)