322. IV. László király Pousát és Bokut pozsonyi várjobbágyokat birtokukkal együtt nemesi rangra emel. 1287.

Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in omnium saluatore. Regali dignum est et expediens, eos, qui in seruicijs dominicis et obsequiosis famulatibus diucius se exercent, munificencia gratulari, vt eo amplius ipsorum exemplo ceteri ad fidelitatis opera vehemencius inuitentur. Proinde ad uniuersorum tam presencium quam futurorum noticiam tenore presencium harum serie uolumus peruenire, quod accedens ad nostram presenciam Comes Andreas filius Comitis Andree quasdam terras Thome filij Ind sine herede decendentis, Voyk et Herescen uocatas, in Comitatu Nytriensi existentes, petiuit a nobis sibi dari. Verum quia nobis de qualitate et quantitate dictarum terrarum ueritas non constabat, fidelibus nostris Capitulo Nytriensi nostris litteris dedimus in mandatis, ut unum ex ipsis cum Georgio de Hynd homine nostro pro testimonio mitterent fidedignum, coram quo idem homo noster reambulando dictas terras, presentibus omnibus commetaneis et vicinis statueret et assignaret ipsi Comiti Andree, si non fieret contradictum, contradictoribus uero ad nostram presenciam euocatis. Quod quidem Capitulum demum nobis rescripserunt in hec uerba:

Excellentissimo domino suo Ladizlao stb. Capitulum Nytriensis Ecclesie stb. (következik a nyitrai káptalannak jelentése mint alább 327. sz. a.)

Nos itaque consideratis fidelitatibus et seruiciorum meritis ipsius Comitis Andree, que nobis in diuersis expedicionibus tam generalibus quam particularibus, et specialiter in conflictu, quem contra Regem Boemorum, nostrum et Regni nostri capitalem inimicum, habuimus, ubi idem Rex occubuit, impendit, commitendo eciam se diuersis casibus fortune, pro fidelitate nobis debita letalia wlnera subportando, dictas terras Voyk et Herescen uocatas ad nostras manus deuolutas, sub antiquis metis et terminis, cum omnibus utilitatibus earundem dedimus et contulimus ipsi Comiti Andree, et per eum suis heredibus, ac eciam suis fratribus iure perpetuo et irreuocabiliter possidendas. In cuius rei memoriam perpetuamque firmitatem presentes concessimus dupplicis sigilli nostri munimine roboratas. Datum per manus discreti viri Magistri Theodori Prepositi Scybiniensis aule nostre Vice Cancellarij dilecti et fidelis nostri, anno Domini MşCCş octuagesimo septimo, Regni autem nostri anno sedecimo.

(Eredetie börhártyán melyről a pecsétnek töredéke barna selyemzsinóron függ; a budai kir. kamarai levéltárban.)