Amicis suis Preposito et Conuentui de Hotuan Comes Dominicus Viceiudex Curie domini Regis amiciciam paratam. Noueritis, quod Comes Pous filius Mersa personaliter comparendo exhibuit litteras Capituli Budensis, iuxta tenorem quarum, secundum suam obligacionem, Jacou filium Kechen, Acham fratrem eiusdem, et Paukam filium Pouse, in vna marca pro facto principali, et duplo trium marcarum; item iuxta formam litterarum judicialium non comparendo nec mittendo per eundem Comitem Pous exhibitarum, in quatuor judicijs contra eundem Comitem Pous, eosdem comperimus remansisse. Quocirca amiciciam vestram petimus diligenter, quatenus vestrum detis testimonium, coram quo Leonardus filius Mochk de genere Buchk homo domini Regis pro facto principali, videlicet una marca et duplo trium marcarum, et racione quattuor judiciorum predictorum ipsum Comitem Pous introducat in possessiones ipsorum Jacou, Acha et Pauka Buya vocatas, a die introduccionis usque quintodecimum diem permansurum in eisdem, si non fuerit contradictum, contradictores autem si qui fuerint, et specialiter predictos Jacou, Acham et Poukam ad Regiam citet persenciam ad terminum competentem; dicendo eisdem Jacou et Poizce uerbo Regio, quod in termino sibi assignato compareant personaliter coram domino Rege super facto principali perempniter responsuri; et ante responsionem eorum satisfaciant de judicijs memoratis; alioquin ipsi negocio finem debitum imponemus iusticia mediante. Facti seriem domino Regi rescribatis. Datum Bude septimo die octauarum Omnium Sanctorum anno Domini Mş CCş octuagesimo quarto. Presentes reddituri exhibitori presencium, et series negocij comprehendentes in eisdem.

(Eredetie börhártyán, a zárpecsétnek töredéke még megvan; a budai kir. kamarai levéltárban.)