Martinus Episcopus servus servorum Dei venerabili fratri... Archiepiscopo Jadrensi saludem ira Apostolicam benedictionem. Dudum nobis quondam frater Johannes Magister Ordinis Fratrum Predicatorum significare curavit, quod licet per litteras Sedis Apostolice sit inhibitum, ut nulli fratres ipsius Ordinis, si eos ira Episcopos eligi aut postulari forte contigerit, electioni seu postulationi de se facte audeant consentire, nec Prelatus, vel etiam Legatus Sedis ipsius dictos fratres, nisi de Magistri eisdem vel Priorum Provincialium, qui pro tempore fuerint, licentia et consensu, aut speciali mandato Sedis eiusdem, ad Episcopatus, vel alias quaslibet dignitates extra dictum Ordinem assumere vel ordinare presumant; per easdem quoque litteras sit decretum irritum et inane, quicquid contra inhibitionem huiusmodi a quibuscunque contigerit attemptari, auctoritate Apostolica semper salua: tameu frater Galuanus Dalmatinus, professus dicti Ordinis, prouisione seu electione de ipso ad Episcopatum Scardonensem facte contra inhibitionem et decretum huiusmodi temere consentire presumpsit. Quare dictus Magister fecit a nobis cum iustantia, postulati, ut providere super hoc paterna sollicitudine curaremus. Unde ne predictus Galvanus de tante ambitionis gloriari posset excessu, tibi per alias nostras sub certaforma dedimus litteras im mandatis, ut inquisita super hoc diligentius veritate, si rem invenires ita esse, dictum Galvanum ab officio beneficioque suspenderes, etiam si ad consecrationem ipsius processum existeret per quemcunque, ac eundem sic suspensum ad nos infra competentem terminum, quem sibi prefigeres, destinares, pro meritis recepturum; nobis nichilominus, quicquid super hoc te facere ac invenire contingeret, necnon et diem huiusmodi prefixionis, et formam, per tuas litteras predictarum litterarum tibi super hoc directarum seriem continentes fideliter exponendo. Tu itaque volens mandatum Apostolicum reverenter exequi, ut teneris, eundem Galvanum coram te auctoritate nostra legitime citare curasti, ius suram, si quod habere se crederet, plenius ostensurum, eidem nichilominus intimando, quod ipsius corporalis absentia non obstante in inquisitione predicta termino sibi prefixo procederes secundum nostrarum continenciam litterarum; eique iniungendo districtius, ut si quas litteras super absolutione ipsius ab Ordine supradicto fortassis haberet, illas tibi ostenderet in termino prelibato. Cumque procurator eiusdem Galvani coram te in termino comparuisset eodem, vocem licet frivole appellationis emisit: at tu eundem Galvanum reputans non immerito contumacem, quamquam factum huiusmodi tibi notorium videretur, super eo iuxta mandati nostri tenorem fideliter inquirere studuisti. Et quia invenisti per inquisitionem huiusmodi, predictum Galvanum Magistri vel Prioris sui Provincialis non obtenta licentia, tam super huiusmodi electione seu provisione de ipso presumpta, quam ut in eiusdem Scardonensis Ecclesie ab eo temere occupate, consecraretur Episcopum, presumptione temeraria consentisse; prefatum Galvanum iuxta formam mandati Apostolici tibi facti ab officio beneficioque suspendens, ipsum sic suspensum ad Sedem Apostolicam citavisti, prefixo sibi certo peremptorio termino, quo coram nobis personaliter compareret pro meritis recepturus; et nichilominus prefixionem ipsius termini tam in tua Jadrensi, prefato procuratore presente, quam in tue Diocesis Ecclesiis, cum ad ipsum Galvanum ex iusto metu nuntius aliquis accedere non auderet, publicari fecisti, prout hec omnia transmisse nobis tue littere continebant. Sed predictus Galvanus ad inobedientie vitium se convertens, comparere coram nobis aliquatenus non curavit, etiam post lapsum eiusdem termini diutius expectatus; propter quod ipsum non immerito contumacem duximus reputandum, in eum per nos, exigente ipsius contumacia, excommunicationis sentencia promulgata. Licet igitur contra memoratum Galvanum ob huiusmodi temeritatem et contumaciam suam ad penam aliam propter hac infligendam eidem possemus de iure procedere; cum etiam intellexerimus, quod idem per potentie secularis abusum in predicta Ecclesia fecerit se intrudi, quamquam Ecclesie prefate provisio tunc per lapsum temporis, sicut accepimus extitisset ad Sedem Apostolicam devoluta; ut tamen agatur in hac parte maturius et procedatur benignius circa ipsum, fraternitati tue per Apostolica scripta mandamus, quatinus eundem Galvanum, non obstante appellatione predicta, quam frivolam reputamus, excomminicatum a nobis ob causam predictam in locis, de quibus videris expedire, denunties, et facias per alios publice nuntiari, et nichilominus ipsum ex parte nostra per te vel per aluim citare procures, ut infra trium mensium spatium a die citationis, quem terminum sibi ad hoc peremptorium assignamus, coram nobis se personaliter representet, facturas et recepturus quod super hoc duxerimus ordinandum; et aperte predicas eidem, quod nisi saniori ductus consilio cosem nobis in predicto termino personaliter comparere curaverit, nos ad privacionem seu amotionem ipsius ab Ecclesia supradicta, et alias etiam contra eum, prout facti qualitas suggeret et iustitia suaserit, procedemus. Quicquid autem super hiis feceris, nobis per tuas patentes litteres, harum seriem continentes, studeas fideliter intimare. Datum apud Urbem Veterem XV. kalendas Maii Pontificatus nostri anno quarto.
(Theiner Ág., Vetera Monumenta Slavorum Meridionalium historiam illustrantia. 99. l.)