Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in omnium saluatore. Ad vniuersorum noticiam tenore presencium uolumus peruenire, quod Nycolaus dictus Fatra filius Petri et Mychael filius Emirici Comes Agasonum et Bacciniferorum nostrorum ad nostram accedentes presenciam quandam villam nostram Wos uocatam, existentem in Comitatu de Kamarun a nobis sibi dari pecierunt. Sed quia de predicte ville qualitate nobis non constabat ueritas, fidelibus nostris Capitulo Jaurieusi dedimus in mandatis, ut suum darent hominem pro testimonio, coram quo Bakatur tauarnicus noster predictam uillam cum suis pertinencijs et vtilitatibus statueret eisdem Nicolao et Mychaeli Comitibus ac fratribus eorundem, si non fienet contradictum, contradictoribus, si qui fierent, ad nostram presenciam euocatis. Quod quidem Capitulum nobis rescripsit in hec verba:
Excellentissimo domino suo Ladizlao Dei gracia Illustri Regi Hungarie Capitulum Jauriensis Ecclesie oraciones in Domino debitas et deuotas. Receptis litteris Excellencie uestre cum Bakatur tauarnico uestro nostrum misimus fidelem hominem pro testimonio, qui postmodum ad nos redeuntes dixerunt, quod villam Wos kolnuchariorum uestrorum cum terris et alijs iuribus in possessionibus ad eandem villam pertinentibus conuocatis populis eiusdem ville Nycolao et Mychaeli filijs Emirici statuissent feria tercia ante festum Beati Mychaelis nullo penitus ibi contradictore existente. Datum in crastino festiuitatis Sancti Mychaelis.
Nos itaque consideratis fidelibus seruicijs dictorum Comitis Nycolai et Mychaelis, que nobis ijdem in conflictu nostro, quem contra Regem Boemie habuimus, impenderunt, ubi idem Comes Nycolaus per medium oris lance perfossus extitit, et dictus Mychael per aduersam aciem de equo suo lancea deiectus non sine magna sui lesione quasi exanimus eductus fuerat adiutorio aliorum. Attendentes quoque famulatus eorundem inpensos nobis in ecclesia Sancti Laurencij de Hoy cum lesione et morte triginta septem seruiencium suorum, in qua ecclesia eosdem pro deffensione gentis Christiane contra Cumanos duxeramus relinquendos; nec non eciam quia in alijs semper et ubique necessarios nobis exhibuerunt famulatus et acceptos; pro morte quoque Sebastiani fratris ipsorum interempti in expugnacione castri nostri Jauriensis per homines dicti Regis Boemie fraudulenter occupati; predictam villam Wos cum vtilitatibus suis et pertinencijs Nycolao et Mychaeli Comitibus, et per eos Benedicto et Emirico fratribus eorum dedimus, donauimus et contulimus perpetuo possidendam. In cuius rei memoriam perpetuamque firmitatem presentes eisdem concessimus litteras dupplicis sigilli nostri munimine roboratas. Datum per manus discreti viri Magistri Bartolomei Prepositi de Sceps aule nostre Vice-Cancellarij dilecti et fidelis nostri anno Domini MşCCş octuagesimo IIIIş pridie Idus Januarij, Regni autem nostri anno XIIş.
(Eredetie bőrhártyán a nemzeti muzeum kézirattárában.)