Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in omnium saluatore. Regijs beneplacitis insudantes Regali dignum est prouisionis gracia consolari, presertim cum hoc ab eisdem petitur, quod conuenit equitati, et a racionis tramite non discordat. Ad vniuersorum igitur uoticiam harum serie volumus peruenire, quod accedens ad nostram presenciam Magister Jacobus Lector Ecclesie Sancti Martini de Scepus, Plebanus de Villa Latina, una cum fratribus suis Johanne et Ztauizlao a nostra pecijt Maiestate, priuilegium empcionis cuiusdam ville Regyoulch vocate, nostre presencie presentatum Regio dignaremur priuilegio confirmare. Cuius quidem priuilegij empcionis teuor is est:
Nos Magister M. Diuina miseracione Prepositus de Scepus stb. (következik a szepesi káptalannak 1278-ki bizonyságlevele mint fentebb 151. sz. a.)
Exhibuit eciam patentes litteras Ladizlai Comitis de Scepus, nec non priuilegia Capituli, et Abbatis Ordinis Cysterciensis loci eiusdem, tenorem de uerbo ad uerbum continencia supradictum. Ad maiorem eciam sue assercionis et tituli firmitatem priuilegium domini illustris Regis Bele, quo idem Anthaleus et Stephanus filius eiusdem dictam villam Regyoulch possidebant, quod eciam in prefatis uendicionis priuilegijs cum alijs munimentis se assumpserunt reddituros in manus suas, redditum et traditum cum omuibus alijs munimentis idem Magister Jacobus nostro conspectui presentauit. Nos itaque ex circumspeccione Regalis prouidencie in pleno Baronum nostrorum Consilio eundem Magistrum Jacobum et fratres suos attendentes in premisso uendicionis et empcionis titulo plena auctoritate fulciri, quodque prefatus Anthaleus et filius eiusdem rem pacifice possessam iusto titulo in personas predictorum fidelium nostrorum transtulerint, sicut ad ipsos de iure et iusticia ex collacione Regalis gracie pertinebat, longo hoc temporis spacio confirmante; considerantes nichilominus et benignitatis oculis intuentes, quod idem Magister Jacobus repeticione castri nostri de Scepus de nostra iussione, quod familia Gregen et Rolandi detinebat infidelitatis studio occupatum, mandatum Regium in persona propria fuerit fideliter executus, et per eandem familiam Gregen et Rolandi inhumaniter captus extiterit et miserabiliter cruciatus, se magna summa pecunie ad quantitatem centum marcarum fini argenti redimendo, pro qua summa fratres suos pignori obligarat, cupientes exinde ipsum Magistrum Jacobum et fratres suos pro huiusmodi obsequijs et meritis graciosis Regio posequi cum fauore, prefatam uendicionem ville Regyouleh cum omnibus utilitatibus suis et pertinencijs, ex plenitudine Regalis conniuencie ratam et gratam habentes, in eternam rei memoriam auctoritate presencium confirmamus. Cuius quidem terre mete, prout in priuilegio eiusdem domini Bele Regis incliti, aui nostri karissimi, vidimus continere, hoc ordine distinguntur: a parte orientali mete ueteres separant ipsam a terra Ville Omnium Sanctorum; a parte uero meridionali et occidentali tenet metas cum terris Beche et Michaelis; ab aquilone autem tenet metas cum terra Sancte Margarete; a parte igitur septemtrionali concluditur cum magna silua. Vt autem premissa vendicio robur optineat perpetue firmitatis, nec processu temporum per quempiam valeat impugnari, uel in recidiue questionis scrupulum per ipsum Anthaleum uel heredes eius, heredumque suorum successores aliqualiter reuocari, eidem Magistro Jacobo et fratribus suis ac heredibus eorundem, presentes concessimus litteras dupplicis sigilli nostri munimine roboratas. Datum per manus Venerabilis viri Magistri Johannis Prepositi Budensis Ecclesie Electi, aule nostre Vice-Cancellarij dilecti et fidelis nostri; anno Domini Mş CCş LXXş octauo, quarto kalendas Octobris Regni autem nostri anno septimo.
(Eredetie bőrhártyán, a függő a pecsét töredékével a Bárczay család levéltárában. Közli Radvánszky Béla.)