Uniuersis Christi fidelibus Capitulum Nitriensis Ecclesie oraciones in Domino. Significamus uobis, quod Zobozlaus filius Comitis Bogomorij de genere Lodan personaliter ab una parte coram nobis constitutus, quasdam particulas suarum terrarum Lodan, Bana et Teremes uocatarum, sub eisdem metis et terminis, quibus antiquitus dinoscuntur fuisse gubernate, prouenientes sibi de terre Joseph filij Laurencij cognati et consanguinei sui sine herede decedentis, ut dicebat, nobili uiro Witk filio Witk cognato et consanguinao sno, similiter de genere Lodan (in) nostri presencia ab altera personaliter constituto, pro sex marcis plenarie ab eodem perceptis, ut asseruit, confessus est uiua uoce ipsi Witk filio Witk, et per eum suis heredibus, heredumque successoribus, iure perpetuo pacifice et inreuocabiliter possidendam uendidisse; tali siquidem articulo interserto, quod si processu temporum per quempiam prefatus Witk, uel sui heredes heredumue successores, super facto ipsarum terrarum inpeterentur, sepedictus Zoboslaus, et eiusdem heredes heredumue successores, ipsos laboribus proprijs et expensis tenebuntur defensare. In cuius rei memoriam pleniorem perpetuumque robur et munimen presentes concessimus litteras sigilli nostri munimine roboratas. Datum sexto idus mensis Aprilis anno Domini MşCCşLXXXş tercio, Ecclesie nostre Lectore Magistro Bartholomeo existente.

A B C

(Eredetie bőrhártyám a pecsét vörös-kék-sárga selyemzsinóron függött. Közli Véghelyi Dezső.)