In Dei nomine Amen. Anno eiusdem Mş CCş LXXXş secundo Indiccione X. tempore domini Martini Pape, et Ladislai Serenissimi Regis Vngarie; die dominico, vltimo Madij, Cum Ecclesia Sancti Laurencij Episcopatus Traguriensis proprio pastore vacaret, ideoque ad honorem et reverenciam Altissimi Dei, Gloriose Virginis Marie, Beatorum Sancti Laurencij et Sancti Johannis; congregatis et vocatis - - - - Canonicis d - - - - - - vocandi et congregandi ad eleccionem celebrandam de pastore et Episcopo Ecclesie Sancti Laurencij nominate; videlicet omnes infrascripti Canonici congregauerunt se in prefata ecclesia causa eligendi Episcopum et pastorem Episcopatus et Ecclesie nominate; qui deliberauerunt concorditer, eleccionem huiusmodi per scrutiuium fieri debere. Quorum Canonicorum nomina sunt hec: Geruasius filius Zanci Pelegrini Diaconi Archidiaconus eiusdem Episcopatus; dominus Casioctus filius domini Zaniche Primicerius Canonicus Diaconus; dominus Marcus Canonicus Sacerdos filius Bod; dominus Michael Canonicus Presbiter filius Stoise; dominus Dessa Sacerdos filius Nadini; dominus Natalis Sacerdos filius Musinne; dominus Firminus Diaconus filius Vitalis; Laurencius Subdiaconus filius Priuille; Bogdanus Subdiaconus filius Miche; Michael Subdiaconus filius Cerni; Casaricius Subdiaconus filius Yurine; omnes supra scripti Canonici. Hys peractis elegerunt vnanimiter et concorditer vniuersi, de ipsorum communi concordia et voluntate ad perscrutandum vo - - et vota singulorum seorsum, in quem volunt, consenciunt, quod sit et esse debeat Episcopus et pastor Episcopatus supradicti, dominum Geruasium Archidiaconum, dominum Casioctum Primicerium, dominum Marcum. Qui tres disquisitores vocavere ad se quemlibet infrascriptorum seorsum et singillatim, vt suam eis voluntatem exprimeret. Vnde accedens dominus Michael Canonicus dicte Ecclesie eligendo et postulando assensit in fratrem Gregorium filium Marchii de Tragurio de Ordine Minorum; dominus Dessa eligendo et postulando consensit in eundem fratrem Gregorium; dominus Natalis eligendo et postulando consensit in eundem fratrem Gregorium; dominus Forminus eligendo et postulando consensit in eundem; Laurencius eligendo et postulando consensit in eumdem; Bogdanus eligendo et postulando consensit in eumdem; Michael eligendo et postulando consensit in eumdem; Casaricius eligendo et postulando consensit in eumdem; dominus Marcus eligendo et postulando consensit in eumdem; dominus Casioctus Primicerius eligendo et postulando consensit in eumdem; dominus Geruasius Archidiaconus eligendo et postulando consensit in eumdem. Presentatis ipsorum voluntatibus, ut supra scriptum est, statim fuit dicta eleccio et postulacio et assensus publicata et diuulgata inter eos. Vnde diligenti deliberacione habita, quum ipse frater Gregorius est nobilis homo de dicta Ciuitate, et in etate legitima constitutus; prefatus dominus Geruasius suo nomine, et nomine et voluntate omnium predictorum Canonicorum et Capituli, et ipsis presentibus, inuocato Christi nomine, mox elegerunt, postularunt, et postulando elegerant honestum et sapientem virum, dominum supradictum fratrem Gregorium in pastorem et Episcopum Episcopatus superius sepefati. Actum in ecclesia supradicta Sancti Laurencij Episcopatus Traguriensis. Presentibus domino Jacobo Rustichu Potestate Tragurij; domino Beneuento eius milite; dominis Dessa et Cernocta Amblasij, Siluestro Mingacij, Chreste Alberti, Toma domini Zaniche, Guymo Dumiche. et alijs multis testibus; et domino Dessa Duymi de Mursiza examinatore.

(Lucius, Memorie di Trau 112. I.; Farlati Illyricum Sacrum IV. köt. 359. l. Kivonatát 1. Fejérnél Cod. Dipl. VII. k. 4. r. 137. l.)