245. A vasvári káptalannak bizonyságlevele, hogy több Zelch-i lakos Karaka nevű földüket Olivér és Herbord Reznuki comeseknek eladta. 1282.

Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad vniuersorum noticiam tenore presencium volumus peruenire: quod Johanne filio Iuanka de Zoda de genere Bugath Rodouan pro se et pro Iuanka fratre suo ab una parte, ab altera uero Mychaele dicto Vkleleu filio Kethzem de Inacha pro se, et pro Johanne ac Laurencio fratribus suis, et pro Lucach cognato suo coram nobis personaliter constitutis; prefatus Johannes filius Iuanka proposuit viua uoce: quod quandam particulam de predicta terra Zoda ad usum unius aratri sufficientem, super qua est uilla Mychaelis et fratrum suorum predictorum, quam ab ipso Mychaele, fratribus suis, et a Lucach supradictis nomine sue terre hereditarie requirebat, cum vniuersis utilitatibus et pertincncijs suis reliquisset Mychaeli, fratribus suis, et Lucach antedictis, sibi et suis heredibus heredumque successoribus iure perpetuo pacifice possidendam. Insuper obligauit se ipse Johannes filius Iuanka, dictum fratrem suum, et heredes eorundem vniuersos, ab omnibus de generacione sua Mychaelem, fratres suos et Lucach supradictos, ac heredes eorum vniuersos racione premisse particule terre inpetere nitentibus defendere et expedire proprijs laboribus et expensis; ea obligacione interiecta, quod si defendere non posset, quinquaginta marcas soluere non teneretur Mychaeli, fratribus suis et Lucach antedictis. In cuius rei testimonium ad instanciam parcium presentes contulimus sigilli nostri, post plagam Tartarorum secundo renouati munimine roboratas. Presentibus tamen Magistro Saulo Lectore, Mykov Custode, Markou de Pacha, Paulo de Borsua, Martino de Zobolch, Johanne de Vng Archidiaconis, et alijs multis; anno Domini Mş CCş octuagesimo secundo. Regnante Ladizlao illustri Rege Hungarie, Lodomerio Archiepiscopo Strigoniensi, Johanne Electo Colocensi, et domino nostro venerabili patre Andrea Dei gracia Episcopo Agriensi existentibus.

A B C D

(Eredetie bőrhártyán, zöld-sárga selyemzsinóron függő pecsét alatt; a budai kir. kamarai levéltárban.)