Omnibus Christi fidelibus tam presentibus quam futuris presens scriptum iuspecturis Capitulum Ecclesie Agriensis salulem in omnium saluatore. Ad vniuersorum noticiam harum serie uolumus peruenire: quod Demetrio et Alexandro filijs Comitis Alexandri de genere Aba pro se et pro fratibus suis, videlicet Magistro Ladizlao Preposito Tytuliensi, et Nycolao ab una parte; Lucach, Petro, Demetrio, Stephano et Ladizlao filijs Petri ex altera coram nobis personaliter constitutis et comparentibus, in possessione ipsorum Lipoch vocata talem diuisionem concorditer inter se fecisse retulerunt uiua uoce: Quod residenciam, in qua pariter residebant, ipsi filij Petri se transferrent ab eadem relinquendo filijs Alexandri fratribus ipsorum; procedendo tamen diuisio ipsius possessionis tali modo sub metis et terminis infrascriptis; scilicet meta ipsorum, que distingit inter partes hec est, procedens a meridiano intrat in riuulum, quis (igy) vocatur Lipochpotoka, et ascendit alte usque ad caput riuuli antedicti; et inde uadit ad arbores tremulas, penes quas cadit in unam uiam erbosam, et de ipta via incidit viam maiorem, que tendit in villam Chakan; et de ipsa villa ad dextram partem saltat in metam cuiusdam terre ex nouo erectam; et inde vadit ad metam de terra eciam erectam; et inde uadit in montem lapidosum, de cuius nasu descendit in fiuuium Elsoa; et ibidem saltat ultra in fluuium, qui nominatur Elsoycha; ascendensque inde alcius non longe saltat in montem Elsoycham; et inde pergit usque ad magnam siluam, que ipsis est communis. Pars autem orientalis, ecclesia, residencia et castrum filijs Alexandri supradictis; pars autem occidentalis filijs Petri cessit perpetuo possidenda. Hoc tamen expresso, quod campos, qui sunt in magna silua, quorum nomina sunt hec, scilicet Chemerna, Chaklomezeu, Nadmezeu, Soumezeu, Nyrmezeu, Vezueres, et unum montem Solumka vocatum, quis iacet sub monte Oblik et circa fluuium Bistra, filij Petri de bona uoluntate ipsorum reliquerunt et commiserunt filijs Alexandri pro eo, quod terra eorum exterior, et pupulis minus cosserit eisdem. Hoc statuendo et committendo, quod si placeret et uideretur filijs Alexandri supradictis super ipso monte castrum edificare, filij Petri sepius nominati contradicere non possent. Item seruos et ancillas, qui uel que a Comite Demetrio fratre ipsorum remanserunt, parem, equalem et iustam diuisionem se habere retulerunt. In cuius rei memoriam ad instanciam parcium presentes concessimus litteras et contulimus sigilli nostri munimine roboratas, post plagam Tartarorum secundo renouati. Presentibus tamen Magistro Anthonio Cantore, Saulo Lectore, Mykov Custode, Mareo de Pocha, Ladizlao de Zemlen, Petro de Vngh, Paulo de Kemey Archidiaconis, et alijs multis anno Domini MşCCşLXXXşIIş. Regnante Ladizlao illustri Rege Hungarie, Lodomerio Strigoniensi, Johanne Colocensi Archiepiscopis, et domino nostro venerabili patre Andrea Episcopo Agriensi existentibus.

(Eredetie bőrhártyán, melyről a pecsét vörös-sárga-violaszinű selyemzsinóron függ, a budai kir. kamarai levéltárban.)