Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentem paginam inspecturis salutem in omnium saluatore. Regali dignum est et expediens eos, qui seruicijs dominicis et obsequiosis famulatibus diucius se exercent, munificencia gratulari; ut eo amplius ipsorum exemplo ceteri ad fidelitatis opera inuitentur. Proinde ad uniuersorum tam presencium quam futurorum noticiam harum serie uolumus peruenire: quod attendentes meritoria seruicia et fidelitates Nemhiz filij Nade, et Ramacha filij eiusdem; item Tekus, Marcy, Symonis, Benedicti et Johannis filiorum Theodory, ac eciam Nycolay filij Nade, et Johannis filij Pauli de Peresne, iobagionum Castri nostri de Borsood, que nobis in diuersis expedicionibus Regni nostri fideliter inpenderunt et indefesse, maxime in examine belli seu expedicionis, quem contra Regem Boemie, nostrum et Regni nostri capitalem inimicum, habuimus, vel - - - - - - ubuit coram nostre Maiestatis oculis proprijs cruoribus laudabiliter dimicando suas fidelitates demonstrauerunt. Et insuper quidam frater ipsorum Elek i - - - --, quem contra Saxones Transiluanos, qui, contra nostram procedere nitebantur Maiestatem, habuimus, coram nostre Maiestatis oculis laudabiliter dimicas - - - ptus. Et licet ijdem in recompensacionem huiusmodi seruiciorum et fidelitatum eorundem a nostra Maiestate multa et magna mereri debuissent: tamen nos paruis - - - modo ipsos in recompesacionem seruiciorum eorundem prorsus munificencia Regia a iobagionatu Castri Borsodiensis, et a quibuslibet honeribus et seruicijs eiusdem - - - cum terris eorum eximentes, in cetum, numerum et collegium Regni nostri nobilium duximus aggregandos, seu eciam extollendos. Volentes, vt ijdem et ipsorum heredes, heredumque suorum successores, illa et eadem gaudeant et fruantur libertate, qua cetery ueri Regni nostri nobiles gratulantur sub uexillo nostre Maiestatis militantes. In cuius rey memoriam perpetuamque firmitatem presentes concessimus dupplicis sigilli nostri munimine roboratas. Datum per manus discreti uiri Magistri Bartolomey aule nostre ViceCancellarij dilecti et fidelis nostri, anno Domini Mş CCş octuagesimo secundo, quartodecimo kalendas Augusti, indiccione decima, Regni autem nostri anno vndecimo.

(Eredetie bőrhártyán, melyről a pecsét töredéke vörös selyemzsinóron függ; a mélt. báró Perényi család nagyszőllősi levéltárában.)