231. A sághi konventnek bizonyságlevele, hogy Palástai Albeus rokona Germanus, Leva fiának megöletését örökös földjenek átengedésével engesztelte. 1281.

Frater Dominicus Magister Domus Hospitalis et Conuentus Cruciferorum Ecclesie Sancti Regis Stephani de Strigonio vniuersis presentes litteras inspecturis salutem in filio Virginis Gloriose. Ad vniuersorum noticiam tam presencium quam futurorum harum serie uolumus peruenire: quod Comite Corrardo filio Zemeyn ciui (így) Strigoniensi vna cum filijs suis Nicolao et Jacobo, Thoma et Petro filio suo, cognato eiusdem ab una parte; Cosma fiiioi Mutud, Damiano, Endre, Georgio filijs Andree; Andrea, Michaele, Blasio, Anthonio, Salamone, Lamperto, Johanne et Pethev filijs Barka de Zumur; Nicolgo, Michaele et Luka filijs Petri de Yuklod ex altera coram nobis personaliter constitutis; idem comes Corrardus quandam terram suam ad tria aratra suffícientem Vdwornuk uocatam, ex permissione Nicolai et Jacobi filiorum suorum, et Thoma cum Petro filio suo, ac aliorum cognatorum suorum, cum omnibus vtilitatibus suis, quam a domino Rege Stephano in concambio super terram Noztrue sibi comparauerat, confessus est se uendidisse pro viginti quinque marcis fini argenti predictis Cosma filio Mutud, Damiano, Endre, Georgio, et alijs, ac omnibus cognatis suis superius nominatis, iure perpetuo possidendam et habendam; et ipsam ad plenam recepisse pecuniam ab eisdem recitarunt. Et hoc interposito, quod si ullo umquam tempore racione prefate terre per quempiam materia oriretur questionis; idem Comes Corrardus cum filijs suis et suis heredibus, heredumque successoribus expedire tenerentur proprijs laboribus et expensis. Prefate itaque uendicioni et empcioni Petrus, Gregorius, Anthonius et Saap nobiles de genere Bor, et Wencencius de Moroth, ac Martinus filius Egidij de eadem nomine commetanei comparendo, consensum prebuerunt et assensum. In cuius rey memoriam presentes ad peticionem Comitis Corrardi et filiorum suorum, Cosme, Damiani et alijs dedimus litteras sigilli nostri munimine roboratas. Datum anno Domini Mş CCş octugesimo primo.

(Eredetie bőrhártyán, a zöld selyemzsinóron függött pecsét elveszett; a budai kir. kamarai levéltárban.)