Capitulum Waciensis Ecclesie omnibus Christi fidelibus quibus presentes ostenduntur salutem in omnium saluatore. Ad vniuersorum noticiam tenore presencium volumus peruenire: quod accedentes ad nostram presenciam Bikchey pro se et pro Tymodeus et Benedicto filijs suis; item Pasca pro et pro Mykou filio suo, item Anias pro et pro Peria et Johanne filijs suis, item Nicolaus et Stephanus de Bikchey ex vna parte; Magister Andreas filius Iwan, Comes Nicolaus filius Babus, Matias filius Petri, Benedictus filius Egidij, Nicolaus filius Thome de Popi ex altera, proposuerunt concorditer viua voce, quod cum inter ipsos super terra Bikchey uocata hereditaria Luce, Baranch, Mixe, Zowath, Liter et Moda sine herede decedencium, consanguineorum videlicet Bikchei, Pasca, Anie, Nicolay et Stephani predictorum, quam terram dominus Rex eisdem Andree, Nicolao, Matie et Benedicto contulisset, et super dampnis quibusdam, super quibus Andreas, Nicolaus, Matias et Benedictus antedicti testes in quindenis Omnium Sanctorum debuissent producere coram nobis, ac super alijs quibusdam judicijs causa aliquamdiu fuisset ventilata, mediantibus probis viris nobilibus inter partes arbitrantibus, quorum arbitrio ipse partes se committentes ad talem formam pacis seu concordie vnionem deuenissent: quod Bikchey, Pasca, Anias, Nicolaus et Stephanus prenotati sopitis omnibus causis annotatis et sedatis, ac eciam racione quarte vxorum Matie et Benedicti, sororum Luce predicti, dimiserunt et reliquerunt memoratam terram supradictis Andree, Nicolao, Matie et Benedicto ac heredibus eorum iure perpetuo pacifice possidendam, per quempiam heredum suorum seu cognatorum siue extraneorum aliquatenus (non) repetendam. Obligantes se sepedicti Bikchey, Pasca, Anias, Nicolaus et Stephanus, ac suorum heredes, quod ab omnibus prenotatos Andream, Nicolaum, Mathiam et Benedictum racione dicte terre molestare, impetere et inquietare nitentibus, excepta porcione, que racione quarte dictarum dominarum eis cederet, ipsius et ipsorum heredes tenerentur modis omnibus defendere et expedire proprijs laboribus et expensis. Metas autem et distiucciones terre prenotate partes taliter expresserunt: Primo incipiendo a meridionali fenestra supra altare ecclesie Sancte Marie in ipsa villa Bikchey site, et directe pei hostium exeundo dirigitur versus plagam occidentalem ad terram Nicolay filij Bochou, et ibi sunt due mete; abhinc transeundo ipsam terram Nicolay uadit ad vnam viam, et per uiam eundo procedit directe ad quoddam pomerium uulgo wegkerth vocatum; et pomerium transeundo per medium, vadit ad quandam viam, et ex vtraque parte vie est vna meta; inde per eandem viam vadit metatim per vallem, que wlgo uocatur harasthfeugh; et ipsam vallem transeundo directe iuxta terram, que wlgo vocatur harasthfeu, sunt tres mete; abhinc vadit uersus villam Pang, et parumper tangit terram Stephani filij Omodey, et ibi terminatur. Item a predicta fenestra incipiendo versus plagam orientem (igy) vadit per portam curie Martini, et directe ad portam orti eiusdem, et ibi sunt due mete; deinde vadit ad quendam lacum, et ibi ab inferiori parte lacus iuxta vnum salicem sunt due mete; dehinc vadit et transit quendam fluuium Fiuzeg vocatum, et ibi iuxta portum eiusdem fluuij sunt due mete; abinde vadit ad aquam Tapeu vocatam, et nondum veniendo ad aquam sunt due mete, iuxta eandem eciam aquam sunt abietes wlgo vocate keurusfa, et ibi est via, que transit ipsam aquam, et ibi sunt due mete, et ibi commetatur terre Kata vocate; inde vertit se versus plagam septemtrionalem, et vadit sursum in longitudine directe per medium aque supradicte, et transit terram Mada, pervenitque ad terram Merkur, et ibi iuxta ipsam aquam Tapeu sunt due mete, qua scilicet terra Mada remanet Andree, Nicolao, Matie et Benedicto prenotatis, terra vero Mercur remanet nobilibus de Bikchey antedictis; deinde redit directe versus partem occidentalem per terram sabulosam, et ibidem sunt due mete; abhinc vadit ad predictum fluuium Fiuzeg, et iuxta ipsum fluuium sunt duc mete; transeundo vero eundem fluuium, et similiter iuxta eundem sunt due mete ad quandam magnam viam; deinde vadit ad quendam montem, vbi sub monte in superiori parte cuiusdam putey, qui puteus dicitur Laurencij, sunt due mete; inde vadit per binas metas, et peruenit parumper ad terram Omodey, et ibi terminatur. Dixerunt eciam partes, quod nominata terra Luce (et) Baranch sepedictorum ex vtraque parte collaterali, videlicet versus plagam meridionalem et septemtrionalem esset terra nobilium de Bikchey limitata; et quod eadem terra Luce, Baranch, Mixe, Zowach, Liter et Moda, que ipsis Andree, Nicolao, Matie et Benedicto est modo prehabito deuoluta, sita esset versus plagam septemtrionalem cum medietate ecclesie prenotate, a parte vero meridionali esset terra similiter cum medietate ecclesie Bikchey, Pasca et aliorum nobilium de Bikchey predictorum. Et hec omnia Paulus, vnus de ipsis compositoribus siue arbitratoribus parcium per eosdem arbitratores, vt dixit, missus, coram nobis affirmauit consequenter. In cuius rei testimonium ad instanciam partium presentes contulimus sigilli nostri munimine roboratas, anno Domini MşCCşLXXş quinto. Presentibus tamen Magistro Gregorio Preposito, Magistro Paulo Lectore, Magistro Andrea Cantore, secundo Paulo Custode, et alijs ibidem in Ecclesia Beate Virginis iugiter militantibus.
(A váczi káptalannak 1281-ki bizonyságleveléből, mint alább; a budai kir. kamarai levéltárban.)