Conuentus Monasterij Waradiensis vniuersis Christi fidelibus presentes litteras inspecturis salutem in Domino sempiternam. Ad uniuersorum noticiam tenore presencium uolumus peruenire, quod nobilis domina filia Jous de genere nobilium apud Ecclesiam Sancti Johannis prope Okur existencium Tyna vocata, relicta Salomonis de genere Geg, nunc vxor Chepani de uilla Bagata ab una parte; Paulus filius Galli pro se et pro Oliuerio filio suo, Mychael filius Geg pro se et pro Salomone et Geg fratribus suis uterinis, Pangracius filius Emerici pro se et pro Andrea fratre suo carnali ab altera, cocam nobis personaliter constituti; eadem domina pcoponens confessa est uiua uoce: quod predicto Salomone marito suo, fratre ipsorum Galli et Emerici de medio sublato, antequam eidem Chepano secundo marito suo nupta fuisset, ob amorem et dileccionem predictorum nobilium de iuxta Okur, cum eisdem pio affectu compateretur tanquam suis cognatis karissimis, ipsis scilicet Paulo, Oliuerio filio suo, Mychaeli, Salomoni, et Geg fratribus eiusdem Mychaelis, Pangracio, et Andree fratri eiusdem, superius nominatis nobilibus, et alijs cognatis eorundem, dotem suam pure et simpliciter relaxasset; res uero parafernales suas eisdem nobilibus sibi restituentibus plenarie recepisset, et ad desiderium sue salutis distribuisset anime sue ob perpetuam suam elemosinam condonando, prout sue uoluntati uidebitur expedire. Assumpmente ipsa domina, quod de cetero nec ipsa, nec predictus Chepanus maritus suus, nec quispiam fratrum, cognatorum seu consanguineorum suorum ipsam dotem possint ulterius repetere, seu imposterum uendicare de predictis nobilibus et de uniuersis cognatis eorundem, et eosdem ac cognatos ipsorum nullatenus ualeant racione ipsius dotis impetere successu temporis, seu aliquatenus molestare. In cuius rei testimonium perpetuamque firmitatem presentes litteras notras eum alphabeto intercisas concessimus sigilli nostri munimine roboratas. Datum IIII-o Aprilis anno Domini Mş CCş septuagesimo IIIIş. Waltero Decano, Petro Cantore, Bonifacio Custode existentibus.
(Eredetie bőrhártyán, melyről a pecsét hártyazsinegen függ; a főmélt. herczeg Eszterházy család levéltárában.)