(L)adizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Res omnibus Christi fidelibus presentem paginam habituris salutem in salutis largitore. (R)egij Culminis magnificencia id requirit, ut suorum fidelium sudoribus equa remuneracionis lancea occurrat, diffidentesque casus ab eisdem totis nisibus procul pellat. (H)inc est, quod attendentes innumeras fidelitatum virtutes Magistri Petri filij Magistri Mathei de genere Chak dilecti et fidelis nostri, que tempore karissimi patris nostri domini Stephani Illustris Regis Hungariae felicis recordacionis laudabili studio feliciter exercuit, volumus memorie commendare. Primum scilicet, cum idem karissimus pater noster in Bulgariam propulsandis iniurijs confinij Regni sui insultum faceret, idem Magister Petrus, ut leo fortissimus, cuius indicia gessit in vexillo, postposito timore mortis imminentis in aduersa Bulgarorum acie militans uictoriam mirificam reportauit. (S)ane dum eundem karissimum patrem nostrum grauis aui nostri persecucio miserabiliter insequeretur, et se ante hostilem faciem illius persequentis in castrum Feketuholm recolligeret, dictus Magister Petrus lateri eiusdem fideliter adherens, elegit rnagis mori cum eodem, quam in partem sinistram se transferre. Sub eodem itaque castro de turma persequencium ipsum patrem nostrum bellicis conatibus trihumphaliter dimicando piurimos deiecit in asta, et plures gladio confossos ad anguste captiuitatis tenebras dedugit pariter et inuexit. (C)eterum cum castrum Baranka per quorundam fagiciosorum uersuciam occupatum detineretur, ipse Magister Petrus milicie sue viribus protensis ipsi karissimo patri nostro restituit illesum in lancearum examine reuocatum. (A)d hec cum predictus auus noster Erney Banum cum alijs suis complicibus ad inuadendum eundem patrem nostrum hostiliter destinasset, dictus Magister Petrus gressus fidelitatis non deserens, contra molem milicie dictum Erney potencialiter captiuauit, vbi eciam letalia iucwrrit wlnera, que pro Regij fauoris commodo pacienter sustulit et gratanter. Item cum in Irsazeg post plures fatigaciones eundem patrem nostrum adhuc inestimabilis moles exercitus dicti aui nostri constrinxisset, predictus Magister Petrus passus faciens efficaces aduersam aciem preliorum varietatibus inpulsam in fugam conuertit mirabilem et orrendam. Item cum idem dominus pater noster contra repentinum insultum Regis Boemorum sub castro Posoniensi dimicaturus progrederetur, ipse Magister Petrus pectus gerens leoninum magnam de inminenti acie partem strauit nece, et funera interemptorum rostris volucrum prebuit laceranda. (S)ub castro eciam Musuniensi dominum Belam Ducem karissimum fratrem nostrum pro posse preliantem liberauit de manibus inimicorum in ipsius necem inhumaniter seuiencium toto nisu. (H)ijs itaque et alijs omnibus suis meritorijs seruicijs circumspectis, que per singula possemus tediosissime replicare; quandam possessionem Zyntha uocatam, curtem videlicet Comitatus Zulgageuriensis, cum omnibus pertinencijs suis; quam dudum eidem de consensu domine Regine karissime matris nostre et omnium Baronum nostrorum contuleramus, et ad tempus ab eodem fuerat alienata, reddidimus et restituimus eidem de speciali nostra gracia, eo iure, eodemque titulo, quibus pridem Magister Mauricius eandem noscitur tenuisse. (U)t igitur tam ipse quam sui heredes heredumque successores in corporali possessione predicte collacionis nostre illibate perseuerent, nec possint excludi aliquatenus de eadem, presentes concessimus litteras dupplicis sigilli nostri munimine roboratas. (D)atum per manus uenerabilis uiri Magistri Benedicti Sancte Strigoniensis Ecclesie Electi perpetuique Comitis loci eiusdem, Prepositi Budensis, aule nostre Vice-Cancellarij dilecti et fidelis nostri; anno Domini MşCCşLXXş quarto Regni autem nostri anno secundo. Venerabilibus patribus Stephano Colocensi et Johanne Spalatensi Archiepiscopis; Lamperto Agriensi, Briccio Chanadiensi, Joub Quinqueecclesiensi, Phylippo Waciensi aule domine Regine karissime consortis nostre Cancellario, Tymotheo Zagrabiensi, Paulo Wesprimiensi aule nostre Cancellario, Lodomerio Waradiensi, Dyonisio Jauriensj, et Petro Transsiluano Episcopis Ecclesias Dei feliciter gubernantibus. Dyonisio Palatino, Comite de Oklych, Judice Cumanorum; Herrico Bano tocius Sclauonie, Iwachyno Magistro Tauarnicorum nostrorum, Comite de Plys; Nycolao Woyuoda Transiluano Comite de Zonuk; Moys Magistro Tauarnicorum domine Regine karissime consortis nostre Comite Symigiensi, Nycolao Judice Curie nostre Comite de Guecke, Paulo Bano de Seurino, Herbordo Magistro Agasonum nostrorum Comite de Barana, Gregorio Comite Castri Ferrei, Johanne Comite Supruniensi, Jacobo Comite Nitriensi, Pousa Comite Albensi, et alijs quam pluribus Comitatus Regni tenentibus et honores.

(Eredetie bőrhártyán, melynek sárga-vörös selyemzsinóron függött pecsétje elveszett, a budai kir. kamarai levéltárban. Ezen okmány kivonatát közli Fejér Cod. Dipl. V. k. 2. r. 174. l.)