037. IV. László király Miklós és László testvérek Miklós comes fiainak, Sytke földét, melyet Miklós Mária királyné által tőle jogtalanul elvettnek mond, visszaadja. 1274.

Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus presentem paginam inspecturis salutem in omnium saluatore. Lex est Regia a naturali equitate descendens, pro meritis subiectorum largicionum suarum respondere premijs equa lance. Hinc est, quod ad vniuersorum tam presencium, quam futurorum noticiam tenore presencium uolumus peruenire, quod cum magister Duruzlou filius Duruzlou, bona pollens indole in puericia, meliori in adolescencia, optima in iuuentute, diuersisque clarens meritorum uirtutibus auo nostro, Bele et patri nostro karissimo, victoriosissimis Hungarorum Regibus felicium recordacionum, ac nobis demum gratum semper exhibuisset seruicium et sedulum famulatum, se et suos in omnibus Regni expedicionibus dubijs fortunae casibus et nullis non periculis committendo, sudores bellicos sustinendo et uulnera letalia paciendo; et specialiter in expedicione nostra, quam contra Regem Boemie habueramus sic suum fideliter impenderit famulatum, ut nedum sibi primitus concessa et tradita, verum etiam alia a munificencia Regia merito assequi debuisset, et bono quolibet fuisset refouendus, et pariter sublimandus; nos considerantes ipsius obsequiosa merita et meritoria obsequia, licet maiora et ampliora in perpetuitatibus et Regalibus donacionibus debuisaet promereri, in aliqualem tamen recompensacionem meritorum eiusdem, quandam terram Castri Ferrei Rum nuncupatam, uacuam et habitatoribus destitutam, cum omnibus pertinencijs, attinencijs et vtilitatibus uniuersis, et specialiter cum loco molendini in metis et terminis terre eiusdem super fluuio Raba existenti, ipsi magistro Duruzlou, et per eum suis heredibus heredumque suorum successoribus dedimus, donauimus et contulimus iure perpetuo et inreuocabiliter possidendam; ipsumque per Mochiam de Choy hominem nostrum sub testimonio fidelium nostrorum Capituli Castri Ferrei, presentibus magistro Gregorio Comite et uniuersis iobagionibus eiuadem castri, nec non commetaneis et uicinis omnibus consencientibus et nullam contradiccionis uocem penitus obponentibus, in corporalem possessionem terre eiusdem fecimus introduci, prout per litteras dicti Capituli nobis constitit euidenter. Mete autem terre memorate, prout idem Capitulum nobis scripsit, hoc ordine distinguntur. Prima siquidem meta progreditur ab oriente a fluuio Raba penes terram Konch, Cadar et Johannis filiorum Chepani, ubi sunt tres mete, due - - - ilicem circumplectitur, uergens uersus occidentem penes terram eorundem filiorum Chepani circa longitudinem vnius iugeris, sunt quatuor mete; currens adhuc directe peruenit ad terram (nob)ilium de Sygra, sunt octo mete angulares, que separant terram predictorum filiorum Chepani et nobilium de Sygra, ac predictam terram Rum; abhinc penes terram eorumdem nobilium dn Sygra tendens uersus septemtrionem peruenit ad magnam stratam, penes quam sunt octo mete; currens adhuc dicrecte sunt quatuor mete, tres terree et una ilicem amplexatur; deinde reclinans versus occidentem sunt quatuor mete angulares, tres terree et una continet pirum, que separat a terra nobilium de Sygra, et iungitur terre nobilium Apatunkaya; abhinc reflectitur ad septemtrionem, et peruenit ad octo metas; hinc currens adhuc ad septemtrionem, peruenit ad terram Gothardi filij Pauli, ubi sunt quatuor mete angulares, tres terree et una continet pirum, que separat a terra dictorum nobilium Apatunkaya; deinde reflectitur ad orientem, currendo penes terram eiusdem Gothardi peruenit ad magnam stratam, penes quam sunt quatuor mete; exinde adhuc currens directe ad orientem peruenit iterato ad fluuium Rabe, ubi sunt quatuor mete, una terrea, due continent pirum, et una ilicem amplexatur; ibique terminatur. Ut igitur huius nostre collacionis series robur obtineat perpetue firmitatis, nec processu temporum possit in irritum reuocari, presentes concessimus litteras dupplicis sigilli nostri munimine roboratas. Datum per manus Magistri Benedicti Sancte Strigoniensis Ecclesie Electi, eiusdemque loci Comitis perpetui, Prepositi Budensis et aule nostre ViceCancellarij dilecti et fidelis nostri anno Domini MşCCşLXXş quarto, quindecimo kalendas Augusti, Indiccione secunda, Regni autem nostri anno secundo. Venerabilibus patribus Stephano Colocensi et Johanne Spalatensi Archiepiscopis; Lamperto Agriensi, Briccio Chanadiensi, Job Quinqueecclesiensi, Philippo Vaciensi aule domine Regine consortis nostre karissime Cancellario, Paulo Vesprimiensi aule nostre Cancellario, Lodomerio Waradiensi, Tymoteo Zagrabiensi, Dyonisio Jauriensi, et Petro Transsiluano Episcopis Ecclesias Dei feliciter gurbernantibus (igy). Dionisio Palatino Comite de Okilich et Judice Cumanorum, Henrico Bano tocius Sclauonie, Nicolao Voyuoda Transsiluano Comite de Zonuk, Joachino Magistro Tauarnicorum nostrorum Comite de Plys, Renoldo Magistro Dapiferorum nostrorum Comite Zulugageuriensi, Herbordo Magistro Agasonum nostrorum Comite de Barana, Nicolao Magistro Pincernarum nostrorum, Paulo Bano de Zeurino, Nicolao Judice Curie nostre Comite de Gechke; Moys Magistro Tauarnicorum domine Regine consortis nostre karissime Comite Symigiensi; Dedalo Comite Zaladiensi, Johanne Comite Supruniensi, Gregorio Comite Castri Ferrei, Michaele Comite Nitriensi, et aliis quam pluribus Comitatus Regni tenentibus et honores.

(Eredetie, melyről a pecsét vörös, fehéres-sárga és zöld zsinóron függ, a Rumy család levéltárában, másolata a magyar akademia kézirati gyűjteményében.)