Nos D. Palatinus, Comes Symigiensis et Judex Cumanorum, et Gregorius Banus damus pro memoria, quod cum inter Comitem Jobannem filium Isip actorem ab una parte, et Comitem Ochuz ex altera super facto terre Chuona uocate, et destruccione eiusdem Comitis Johannis super terra sua Sur uocata per ipsum Comitem Ochuz facta, ut dicebat, non ut judices, sed ut arbitry de uoluntate partis utriusque arbitraremur; idem Comes Johannes asserebat, quod Comes Ochuz predictam terram suam Chuona uocatam detineret indebite occupatam; e conuerso Comes Ochuz respondit, quod predictam terram de precepto domine Regine senioris sue proteccioni per eandem commissam tanquam protector detineret, super quo partibus assumpmentibus taliter sumus arbitrati Quod si feria sexta proxima post medium XL-me Segusdini toram Comite Gregorio filio Ihanis, Comite Cosma de Koazma, Comite Pertholdo et Comite Nicolao filio Ipoliti, quos uice personarum nostrarum ad hoc deputauimus, predictus Comes Johannes litteras eiusdem domine Regine poterit exhibere Comiti Ochuz transmissas, qui similiter ibi debet comparere, continentes, ut ipse Comes Ochuz ipsi terram non debeat detinere, sed ipsam Comiti Johanni permittat possidere, extunc Comes Ochuz ipsam terram relinquet coram Johanni pacifice possidendam. Item super facto premisse destruccionis per nos taliter extitit arbitratum, quod idem Gregorius, Cosmas, Pertholdus et Nicolaus Comites, quos uice nostri deputauimus, ut premissum est, et Endre filius Mortunus de parte Comitis Johannis, et Farcasius filius Decimus de parte Comitis Ochuz inquisitores super predicta destruccione, quam Comes Johannes super terra sua Sur uocata per Comitem Ochuz factam dicebat, scient et inquirent in fide eorum Deo debita omnimodam ueritatem, et in predicta sexta feria ijdem sex nobiles secundum inquisicionem in fide ipsorum factam quantum dampnum ipsi Comiti Johanni per Comitem Ochuz irrogatum asseruerint, Comes Ochuz eidem refundere tenebitur in terminis per ipsos nobiles ad hoc deputatis; et insuper Comes Ochuz id, quod Comes Johannes in congregacione nostra in Kapus celebrata cum suis complicibus contra ipsum protulit, tolerabit, uel si predicti sex inquisitores id affirmauerint, ut Comes Ochuz ipsi Comiti Johanni nullam destruccionem irrogauerit, et in predicta congregacione indebitam accusacionem cum suis complicibus direxerit contra ipsum, extunc iuxta sentenciam ipsorum sex nobilium idem Comes Johannes Comiti Ochuz de uerecundia sibi illata debet omnem satisfaccionem exhibere; et iidem arbitri litteras suas concedent ipso die parti utrique super processu negocij prenotati. Datum Symigij in dominica Inuocauit Me.

Kívűl: Pro Comite Johanne fflio Isep contra Comitem Ochuz in facto terre Chuna.

(Eredetie bőrhártyán, melyről a pecsét elveszett, a budai kir. kamarai levéltárban.)