Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presens scriptum inspecturis, salutem in omnium saluatore. Regie Celsitudinis extitit officium, precibus condescendere subiectorum, ut dum uotis prospicitur eorundem, famulancium numerus augetur. Proinde ad vniuersorum tam presencium, quam futurorum noticiam harum serie litterarum uolumus peruenire; quod Tywan et Theodorius filij Viliam de Olazy ad nostram personaliter accedentes presenciam, quandam particulam terre in Medekes de Lypto existentem instanter peciit a nobis sibi dari. Verum quia de eadem terra ueritas nobis non constat, nec certitudo, et utrum nostre collacioni sit pertinens nee ne, fidelibus nostris Preposito et Conuentui de Turch direximus scripta nostra, qui nobis rescripserunt in hunc modum:
Excellentissimo Domino ipsorum Ladizlao Dei gracia Illustri Regi Hungarie, Juanka miseracione Diuina Prepositus et Coruentus Ecclesie Beate Uirginis de Turch oraciones in Christo debitas ac deuotas. Litteras Uestre Celsitudinis honore quo decuit recepimus in hec uerba:
Ladizlaus Dei gracia Rex Hungarie fidelibus suis Preposito et Conuentui de Turch salutem et graciam. Noueritis, quod Tywan et Theodorius filij Viliam de Olazi fideles nostri quandam particulam terre in Medekes de Lypto existentem, pecierunt a nobis sibi dari. Et quia de qualitate et quantitate ipsius terre, et utrum nostre collacioni sit pertinens nec ne, nobis non constat ueritas, fidelitati vestre precipientes mandamus, quatenus mittatis vnum ex vobis virum idoneum pro testimonio, coram quo Johanes clericus de eadem Olazi homo noster, presentibus conmetaneis et vicinis reambulet ipsam terram, et si nostre collacioni pertinentem inuenerit, certis metis a terra populorum nostrorum de Topla, de Varalia et de Hodaz distingendo separando, statuat eisdem Tywan ac Theodorio, et si non fuerit contradictum; contradictores vero si qui fuerint, ad nostram citet presenciam, ad terminum conpetentem; post hec qualitatem et quantitatem terre predicte simul cum cursibus metarum et serie tocius facti nobis fideliter rescribatis. Datum Bude in octauis festiuitatis beati Jacobi Apostoli anno Domini MşCCşLXXş tercio.
Nos igitur preceptis Celsitudinis Uestre obtemperare cupientes ut tenemur, misimus hominem nostrum idoneum una cum homine uestro Johane Clerico ad premissa exequenda; qui demum ad nos reuersi dixerunt, predictam particulam terre reambulasse presentibus conmetaneis et vicinis, et eisdem Tywan ac Theodorio statuisse, nullo penitus contradictore apparente. Cuius quidem terre mete hoc ordine distinguntur: Prima meta incipit in fluuio Vaag; deinde pertransiens insulam, et transiens venam ipsius Vaag, vbi fluuius Medekes cadit in ipsam venam; inde per eundem fluuium ascendit supra ad magnum spacium, tenendo metas cum Marcello, et venit usque metas Topla; ibidem in transitu seu vadu ipsius fluuij, vbi uia tendit in Castrum magnum, exit ad orientem ad terream metam; deinde ascendit ad berch, et deuenit ad uiam, que ducit in Hodaz, et in uillam Varalia, et ibi est terrea meta, que separat a duabus villis predictis; abinde tendit ad meridiem iuxta metas uillarum predictarum pertransiens quendam berch virgutosum, et deuenit ad terream metam; postea tendit eciam ad terream metam, que separat a terra populorum Olazi; et deinde declinat ad occidentem, per quandam monticuli aciem descendit ad terream metam, que est iuxta semitam; inde reflectitur descendendo ad meridiem, deuenit ad terream metam; abhinc eciam descendit ad terream metam; postea descendit ad Mochar, in medio cuius est lapis, qui est pro meta; inde tendit ad viam publicam prouincie, quam pertransiens ibidem uenit ad terream metam, que est iuxta uenam Vaag, et per ipsam venam ascendit in fluuium Vaag, et per ipsum Vaag descendit usque ad priorem metam, et ibi terminatur. Nos itaque, qui debemus Regaliter metiri merita singulorum, et unicuique iuxta suorum exigenciam meritorum, regalibus occurrere donatiuis; consideratis fidelitatibus et meritorijs seruicijs. Tyuan ac Thevdorij predictorum, que nobis in legacionibus nostris in Ruteniam sepius transmissi, et postmodum in castro nostro de Lypto residentes inpenderunt, et inpendere poterunt in futurum, ipsam particulam terre cum omnibus vtilitatibus et pertinencijs vniuersis Tywan ac Theodorio supradictis, et per eos ipsorum heredibus, heredumque suorum successoribus, dedimus, donauimus et contulimus, iure perpetuo pacifice possidendam, tenendam et habendam. Vt igitur huius collacionis nostre series robur obtineat perpetue firmitatis, nec possit ullo umquam tempore per quempiam retractari, presentes concessimus litteras duplicis sigilli nostri munimine roborando. Datum per manus venerabilis viri Magistri Benedicti Sancte Strigoniensis Ecclesie Electi, Prepositi Budensis aule nostre Vice Cancellarij, dilecti fidelis nostri. Anno Domini MşCCşLXXş tercio. Regni autem nostri anno secundo.
(III. Endre király 1298-ki megerősítő okmányából. Közli Érdy János.)