Nos Magister Sixtus Lector Strigoniensis, judex a domino nostro Stephano Inclito Rege Hungarie super terris vduornicorum suorum per totum Regnum Hungarie pro tempore constitutus, significamus vniuersis presentes litteras inspecturis; vt cum nos pro exequendo precepto Regio ad partes vduornicorum de Keercha venissemus, inuenimus, quod vduornici de dicta villa Keercha in terris populorum duarum villarum Izkaaz et Cheuz vocatarum, condicionalium Monasterij de Apacha-Somlyo in preiudicium et damnum dicti Monasterij, non nostra permissione, nec requisito nostro judicio, sed propria temeritate illicite et iniuriose erexerant nouas metas, quas nos justicia exigente destrui fecimus et deleri; modis omnibus pro certo comperientes, vt illa terra ad dictum Monasterium pertineat, nec aliquid juris habere debeant de ipta terra vduornici memorati. Datum quinta feria in festo Sancte Agnetis, anno Domini millesimo ducentesimo septwagesimo secundo.

(V. István királynak 1272-ki megerősitő privilegiumából a kir. kamarai levéltárban, mint fentebb 265. sz. a.)