262. V. István királynak, 1270-ki Fyzer várát tárgyazó adományát megerősítő privilegiuma. 1272.

Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus quam futuris salutem in omnium saluatore. Ad uniuersorum noticiam tenore presencium volumus peruenire, quod cum post decessum karissimi patris nostri domini B. Regis felicissime recordacionis Regni gubernaculum fauente eo, cuius est terra et plenitudo eius, ad nos iure successorio deuenisset, Demetrius et Michael Comites filij Endre ad nostram accedentes, presenciam attentissime pecierunt, ut priuilegium tempore Ducatus nostri super collacione Castri Fyzer et vndecim villarum ad idem castrum pertinencium renouari facere dignaremur, et nostris sigillis Regalibus roborare. Cuius tenor talis est:

Stephanus Dei gracia junior Rex Hungarie stb. (következik István ifjabb királynak 1270-ki adománylevele mint fentebb 175. sz. a.)

(N)os itaque ad instanciam et peticionem ipsorum Demetrij et Michaelis Comitum, qui de uirtute semper conscendentes in uirtutem, predictam collacionem nostram tempore ducatus nostri eisdem factam approbantes, et ipsum priuilegium de uerbo ad uerbum insertum presentibus confirmamus, duplicis sigilli nostri munimine roborando. (D)atum per manus Magistri Benedicti Prepositi Ecclesie Orodiensis aule nostre Vice-Cancellarij dilecti et fidelis nostri, (a)nno Dominice Incarnacionis M°CC°LXX° secundo, quarto kalendas Marcij, Indiccione XV. Regni autem nostri anno tercio. Venerabilibus patribus Philippo Strigoniensi, Stephano Colocensi aule Regie Cancellario, et Johanne Spalatensi Archiepiscopis; Lamperto Agriensi, Briccio Chanadiensi, Job Quinquecclesiensi, Philippo Waciensi aule Domine regine Cancellario, Paulo Wesprimiensi, Tymotheo Zagrabiensi, Lodomerio Waradiensi, Dyonisio Jauriensi, et Petro Transsiluano Episcopis Eccclesias Dei feliciter gubernantibus; Moys Palatino, Comite Supruniensi et Judice Cumanorum; Nicolao Judice Curie Regie Comite Symigiensi; Egidio Magistro Tauarnicorum Comite Posoniensi Joachino Bano tocius Sclauonie; Matheo Woyvoda Transsiluano comite de Zounuk, Laurencio Bano de Sceurino Comite de Doboka, Petro Magistro Dapiferorum Comite de Guechke Alberto Magistro Agasonum Comite de Scybinio; Philipo Magistro Pincernarum, Paulo Comite Bachiensi, Gregorio Magistro Tauarnicorum domine Regine Comite Castri Ferrei, Ponych Bano Comite Zaladiensi, Petro Comite Albensi, Michaele Comite Nitriensi, et alijs quam pluribus Comitatus Regni tenentibus et honores.

(Eredetie bőrhártyán, melyről a pecsétnek töredéke zöld-sárga selyem zsinóron függ, a budai kir. kamarai levéltárban.)