Stephanus Dei gracia Hungarie, Dalmacie, Croacie, Rame, Seruie, Galicie, Lodomerie, Cvmanie, Bulgarieque Rex omnibus ad quos presens scriptum peruenerit salutem in omnium saluatore. Regali solet munificencia et presidio roborari, quod a partibus bene gestum fuerat et auctoritate iudiciaria terminatum, presertim quod Principalis auctoritas dudum noscitur confirmasse. Vniuersorum igitur noticie volumus fieri manifestum, quod nobis in Toplica in Baronum nostrorum presencia iudicantibus, edicto premisso publice, vt omnes causatores nobis pro tribunali sedentibus adesse deberent peremptorie, nobiles Matyn scilicet, Petrus et Johannes filij Hetynk ad nostram accedentes presenciam, foro instante iudiciali proposuerunt, se super terra Kaztanicha per fratrem G. Magistrum Domus Milicie Templi per Vngariam et Sclauoniam in iudicium euocatos, exhibentes priuilegium patris nostri clare memorie super ipsa terra confectum, idque cum instancia postulantes, cum ex parte eiusdem Magistri Domus Milicie Templi non appareret aliquis responsalis, nostro dignaremur priuilegio confirmare. Cuius quidem priuilegij nobis exhibiti tenor talis est:

Bela Dei gracia Hungarie stb. Rex stb. (következik IV. Bélának 1258-ki okmánya, mint a jelen gyűjteményben II. köt. 340. sz. a.).

Nos itaque preces eorundem fidelium nostrorum, Matyn scilicet et fratrum suorum, Regali beneuolencia attendentes, prefatum priuilegium nobis, sicut prediximus, in baronum nostrorum presencia pro tribunali sedentibus presentatum, in eternam rei memoriam et perpetuam firmitatem auctoritate presencium confirmamus. In cuius rei testimonium presentes concessimus litteras dupplicis sigilli nostri munimine roboratas. Datum per manus Magistri Benedicti Orodiensis Ecclesie Prepositi aule nostre Vice-Cancellarij dilecti et fidelis nostri anno Domini millesimo ducentesimo septuagesimo secundo, Indiccione quintadecima, secto idus Junij, regni autem nostri anno secundo. Venerabilibus partibus Philippo Strigoniensi Stephano Colocensi aule nostre Cancellario, et Johanne Spalatensi Archiepiscopis; Lamperto Agriensi, Job Quinqueecclesiensi, Briccio Chanadiensi, Philippo Waciensi aule domine Regine Cancellario, Paulo Vesprimiensi, Tymotheo Zagrabiensi, Lodomerio Waradiensi, Dionisio Jauriensi et Petro Transiluano Episcopis Ecclesias Dei feliciter gubernantibus. Moys Palatino, Comite Supruniensi, Judice Cvmanorum; Nicolao Judice Curie Comite Simigiensi; Egidio Magistro Tauarnicorum, Comite Posoniensi; Joachino Bano tocius Sclauonie; Matheo Woyuoda transiluano, Comite de Zonuk; Laurencio Bano de Zaurino, Comite de Dabaka; Petro Magistro Dapiferorum, Comite de Guechke; Alberto Magistro Agasonum Comite de Zibinio; Philippo Magistro Pincernarum; Paulo Bano Comite Bachiensi; Gregorio Magistro Tauarnicorum domine Regine, Comite Castri Ferrey; Ponich Bano, Comite Zaladiensi; Michaele Comite Nitriensi, et alijs quam pluribus Comitatus Regni nostri tenentibus et honores.

(Eredetie bőrhártyán, melynek sárga-zöld selyemzsinóron függött pecsétje elveszett; a budai kir. kamarai levéltárban.)