245. A nyitrai káptalannak bizonyságlevele, hogy Babyndali Kozma özvegye hitbére és hozománya tekintetében a Babyndali családbéliekkel kiegyezkedett. 1271.

Uniuersis Christi fidelibus quibus presentes littere patuerint, Capitulum Nytriensis Ecclesie salutem in omnium saluatore. Significamus uobis, quod domina relicta Cosme filij Fetechk de Babyndal, soror videlicet Moryan de villa Gormoth, et Budolov de uilla Buus, astantibus sibi eisdem fratribus suis ab una parte, Myke filius Myke et Thomas filius Sazlon de eadem Babyndal ab altera, coram nobis constituti proposuerunt, quod in causa, que inter ipsos racione dotis et rerum parafarnalium ipsius domine uertabatur, propter bonum pacis per proborum hominum arbitrium taliter concordassent; quod ijdem Myke et Thomas porcionem, quam dictus Cosmas de terra possedit communiter, et idem Myke quatuor capita hominum, videlicet unam ancillam Pyrohta vocatam cum Cynka filia sua, Fata et Zombuth filijs suis, permittende dicto Thoma solus pro parte sua, que prefata domina pro dote et rebus parafernalibus detinebat, redemissent sub nomine mancipiorum hereditariorum, dando pro hijs omnibus per modum composicionis decem marcas, quas eadem domina et fratres sui supradicti confessi sunt se plenarie percepisse pariter et habere. Quibus sic peractis prefata domina et fratres sui dictos Myke et Thomam racione dicte dotis reddiderunt penitus expeditos. In cuius rei memoriam plenioris (így) presentes concessimus litteras sigilly nostri munimine roboratas. Datum sextodecimo kalendas Januarij anno gracie M°CC° septuagesimo primo. Ecclesie nostre Lectore Magistro Batholomeo existente.

A B C

(Eredetie bőrhártyán, melyről hártyazsinegen a káptalan pecsétje függ, nemz. Muzeum kézirattárában.)