Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex omnibus Christi fidelibus presens scriptum inspecturis salutem in omnium saluatore. Inter ceteras Regalis cure sollicitudines non minimum est subditorum prospicere vtilitatibus, et cuilibet eorum gracie liberalis munificencijs pro meritis respondere; qui dum in Regijs obsequijs desudantes optata remuneracione gaudent, et dignis prouisionibus consulantur, fidelitatis subditorum augetur deuocio, et spe premiorum prompcius curritur ad rei publice seruicia subeunda. Hinc est, quod ad vniuersorum tam presencium quam futurorum noticiam harum serie uolumus peruenire; quod nos consideratis fidelitatibus et meritorijs seruicijs Bud, Theodori et Abrank filiorum Thynch, castrensium videlicet Zaladiensium de villa Jerse, que a Trimeuis etatis sue temporibus domino Bele patri nostro karissimo felicis recordacionis victoriosissimis (így) Hungarorum Regi, ac nobis demum ex conspicuis actibus diuersis fulgentes uirtutum meritis laudabiliter exhibuerunt indefesse, tam in Regno nostro, quam extra Regnum; et specialiter in exercitu nostro, quam (így) contra Ducem Austrie habebamus, tam commendabilem exercuerunt miliciam, vt vnum de multiplicibus predicti Ducis eundem durisseme oppugnantem, tandem Deo auxiliante uinctum et victum ad nostram adduxerint presenciam; qui eciam altera die in secundo conflictu uiriliter dimicantes, ab hostibus wlnera receperunt crudelia; in recompensacionem fidelium seruiciorum eorundem castrensium, licet maioribus digni haberentur, dictum Bud et fratres suos prenotatos, ac eorum heredes, heredumque suorum successores, simul cum predicta terra eorum Jerse uocata, in numerum, cetum et collegium nobilium Regni nostri, qui seruientes Regales dicuntur, duximus transferendos. Volentes, ut ipsi ac eorum heredes, heredumque inposterum suorum successores, ea gaudeant et fruantur libertate, qua ceteri Regni nostri nobiles gratulantur, sub uexillo Regio militantes. Promittimus insuper eisdem, quod si alliquis predecessorum nostrum alicui alteri ipsam terram Jersa aliquibus litteris siue caucionisus seu eciam instrumentis contulisset uel donasset, in remotis partibus terram siue terras eque valentem uel idem valentes dare in conquambium, seu prefatum Bud et fratres suos prescriptos ac eorum heredes in ipsa terra pacifice conseruare. In cuius rei memoriam firmitatemque perpetuam pretentes concessimus litteras sigilli nostri munimine roboratas. Datum per manus Magistri Benedicti Prepositi Ecclesie Orodiensis, aule nostre Vice-Cancellarij, dilecti et fidelis nostri, anno Domini M°CC°LXX° primo, octauo kalendas Septembris, Indiccione XIIII., Regni autem nostri anno secundo.
(Eredetie bőrhártyán, melynek zöld-vörös selyemzsinóron a pecsét függ, a nemz. Muzeum kézirattárában.)