(S)tephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie bulgarieque Rex omnibus tam presentibus quam futuris harum serie volumus peruenire; quod cum Comes Bana, et Paris filius ejus, jobagiones Castri Ferrei de genere Heren in exercitu nostro, quem contra Boemorum Regem habebamus, fideliter pugnassent, et idem Comes Bana - - - modum in obsequio nostro sub castro Limbus per balistam vulneratus extississet; nec non et Sixtus frater ejusdem Comitis Bana in expugnacione castri Frusten diem clausisset extremum laudabiliter dimicando: nos pro huiusmodi sangvinis ipsorum effusione, et pro fidelitatis officio ejusdem Paridis, tam propter Paridem et Banam fratrem suum, una cum filio suo Laurencio, Jacobum et Michaelem Bolosoy, fratres eorum cum omnibus possessionibus eorum, hereditariis, videlicet, empticiis, aquistitis, et quocunque justo titulo obtentis, de jobbagionatu predictorum et ejus potestate eximentes ad numerum serviencium Regalium transtulimus. Itaque - - - - - - - - tam ipsi, quam ipsorum heredes sine reprehensione et absque nota libertatis ipsorum pristine, inter Regni nobiles computentur. In cujus rei memoriam firmitatemque perpetuam presentes concessimus litteras duplicis sigilli nostri munimine roboratas. Datum per manus Magistri Benedicti Prepositi Orodiensis, aule nostre Vice-Cancellarij, dilecti et fidelis nostri. Anno Domini M.CC. septuagesimo primo, V. Idus Augusti, Regni autem nostri anno primo.

(László király 1273-ki megerősítő privilegiumából, XVIII. századi hiteles másolat után. Nagy István.)