Stephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus presens scriptum inspecturis salutem in omnium saluatore. Circumspeccio Regum prouida condignis premijs sibi obsequentibus sic debet occurrere, ut alij eorum exemplo inuitati, ad fidelitates et seruiciorum studia forcius accendantur. Proinde ad uniuersorum noticiam tam presencium, quam posterorum harum serie uolumus peruenire; quod cum Paulus Iwachini fidelis noster a primeuis infancie sue temporibus in domo nostra iugiter de nostro mandato in offcio Tauarnicatus, et in alijs diuersis seruicijs nobis et Regno impensis fidele obsequium exhibuisset, et specialiter tempore Ducatus nostri, cum persecuciones paciebamur infinitas, gratum semper studuisset impendere famulatum, et per hec se coram nostre Maiestatis oculis, conscendens de uirtute semper in uirtutem, gratum multipliciter reddiderit et acceptum. Nos meritoria seruicia eiusdem, in quibus frequenter noster Regins conquieuit animus, equo deliberacionis libramine recensentes, nolentesque ea siue remuneracione pertransire, ut alij eorum exemplo ad fidelitatis opera inducantur; licet maioribus dignus habeatur, in aliqualem tamen recompensacionem seruiciorum eiusdem liberalitate Regia occurrentes, quoddam stagnum sine piscaturam Euren nomine in Comitatu de Zobolch existentem, eximendo penitus ab eodem Castro, cum pertinencijs, utilitatibus et attinencijs suis dedimus eidem Paulo, donauimus et contulimus perpetue donacionis titulo possidere, et heredibus suis heredumque successoribus per eundem. Vt igitur huius nostre donacionis series robur optineat perpetue firmitatis, nec processu temporum per quempiam possit uel debeat irritari, presentes concessimus litteras duplicis sigilli nostri munimine roboratas. Datum per manus Magistri Benedicti Orodiensis Ecclesie Prepositi, aule nostre Vice-Cancellarij, dilecti et fidelis nostri. Anno Domini millesimo CC° septuagesimo, Regni autem nostri anno primo.
(Eredetie bőrhártyán, a függő pecsét elveszett, a budai kir. kamarai levéltárban.)