(B)ela Dei gracia Hungarie, Dalmacie, Croacie, Rame, Seruie, Gallicie, Lodomerie Cumanieque Rex omnibus tam presentibus quam futuris salutem in uero salutari. Ad vniuersorum noticiam tenore presencium uolumus peruenire, quod cum domina Regina karissima consors nostra Comiti Nicolao filio Petro militi suo pro multiplici fidelitatis sue - - - - impenderat pro Regni nostri comodo et honore, quandam terram castri Zulgajauriensis Bews uocatam, et - - - - castri Posoniensis Arpadsuka uocatam, sitas in Chollokuz, de nostra et karissimi filij nostri - Bele - - - - - - - - - contulisset; et idem Comes Nicolaus pro malicia et inquietacione suorum uicinorum p - - - - - - - quiete easdem - - - dilecto et fideli nostro Hedrico filio Comitis Dionisij Comiti Huntensi pro septuaginta quinque marcis argenti - - eodem receptis coram Capitulo Jauriensi uendidisset; Henricus Banus, Jacobus filius Henrici, Lothardus filius - -, Buken filius Buken racione uicinitatis dictarum terrarum ipsum Comitem Hedricum de empcione earundem sepius prohibuerint; dicentes, de consuetudine Regni racione uicinitatis sibi pertinere ad emendum ipsas terras, cum ipsarum terrarum sint uicini, et sicut in litteris Capituli Jauriensis uidimus, ipsi Comiti Hedrico terminum assignauerant comparendi coram nobis. Termino itaque adueniente Comes Hedricus comparens in Curia nostra, dictos H. Banum, Comitem Jacobum, Lothardum et Buken legitime expectauit. Vnde cum ijdem actores fuerint, et ad terminum per eosdem assignatum non accesserint, nec ut debebant miserint, eos sentencialiter cum nostris Baronibus, Mauricio Magistro Tauarnicorum nostrorum, Laurencio Palatino Comite Symigiensi, Laurencio Magistro Dapiferorum nostrorum Comite Supruniensi, Chac Bano Comite Nitriensi, dilectis et fidelibus nostris, duximus sentencialiter condempnandos, silencium super accione sua, quam habebant super ipsis terris, que quia terre castrorum nostrorum fuerant, et ad nostram collacionem libere spectabant, imponentes; easdem terras dicto Comiti Hedrico iusto precio nobis permittentibus comparatas relinquentes pacifice et quiete possidere. Hoc expresso, quod Comes Nicholaus predictus, sicut se obligauit, de questionibus mouendis super ipsis terris Comitem Hedricum expediet et defendet proprijs laboribus et expensis, nisi de facto per nocenciam ipsius Comitis Hedrici moueantur. In cuius rei testimonium presentes concessimus litteras duplicis sigilli nostri munimine roboratas. Datum per manus Magistri Demetrij Prepositi Albensis, aule nostre Vice-Cancellarij, dilecti et fidelis nostri anno Domini M°CC°LX° nono, Regni autem nostri anno tricesimo tercio.

(Eredetie bőrhártyán, melyről a király pecsétjének töredéke zöld selyemzsinóron függ, igen megrongált állapotban a nemz. Muzeum kézirattárában.)