Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad uniuersorum noticiam tenore presencium uolumus peruenire, quod accedentibus ad nostram presenciam Corlado de Arcay, et Jacobo de Lanchi ex una parte; ab altera uero Cunch filio Mychaelis; ijdem Corladus et Jacobus exhibuerunt nobis missiles litteras domini nostri incliti Regis Stephani hunc tenorem continentes:
Damus pro memoria, quod super causa, quam Corladus de Archay, Michael filius suus, Jacobus de Lanchi, et Egidius filius Gregorij contra Cunch filium Michaelis super facto terre Adam de Lanchi in octauis Beati Nicholay habebant, predicti Corladus, Michael, Jacobus pro se et pro Egidio ab una parte, et Cunch predictus ex altera ad nostram accedentes presenciam mediantibus probis uiris ex permissione iudicis se dixerunt taliter ad unionem pacis et concordie deuenisse: quod idem Cunch ipsam terram Adam reliquisset prenotatis Corlado, Michaeli, Jacobo et Egidio; ita tamen, quod in crastino Epiphanie Domini Benedictus de Popy, Egidius de Oundi et Benedictus filius Cornelij accederent ad ipsam terram, quos partes de communi adducere tenentur; et si omnes tres ibi esse non possent, nichilominus duo eorundem insurabunt illam terram, et quot aratrorum fuerit ipsa terra, pro tot singulorum aratrorum terra duas singulas marcas Corladus, Michael, Jacobus et Egidius Cunch supradicto in dominica Circumdederunt eoram Capitulo Agriensi persoluere tenebuntur, partim in extimacione condigna, partim uero in argento decime combustionis. Et si diem pretermitterent in soluendo, cum iudico soluere tenerentur. Ipsa autem pecunia persoluta Cunch predictus debet dare priuilegium Capituli Agriensis, quod quicumque ipsam terram Adam de predictis repeteret uel uellet repetere, idem Cunch eis ipsam terram expedire et deffendere teneretur proprijs laboribus et expensis; indicem autem et pristaldum placabunt de communi. Datum in Potok feria quarta ante festum Sancti Thome Apostoli.
Predicte autem partes nobis concorditer recitarunt, quod ipsa terra Adam per prefatos nobiles infurcata fuisset inuenta unius aratri, et decem ac septem iugerum, pro qua iuxta extimacionem predictam in ipsa dominica Circumdederunt coram nobis Corladus et Jacobus prenotati, pro se et pro socijs suis upradictis, ipsi Cunch persoluerunt duas marcas et unum fertonem; quibus receptis idem Cunch prefatam terram unius aratri et decem ac septem iugerum predictis uiris eorumque successoribus dimisit coram nobis perpetuo possidendam; obligando se taliter, quod ab omnibus super statu predicte terre prefatos uiros molestare nitentibus, ipse teneretur defendere et expedire in proprijs laboribus et expensis. In cuius rei testimonium ad instanciam parcium ex communi fratrum nostrorum consensu presentes contulimus sigilli nostri munimine roboratas; presentibus tamen Farcasio Cantore, Thoma Lectore, Johanne Custodo, Leustachio Noui Castri, Marco de Pata, Vrbano de Zobolch Archidiaconis, et alijs multis, anno Domini M°CC°LX°VIII°. Regnantibus illustribus Regibus Hungarie Bela et Stephano, Philippo Strigoniensi, Stephano Colocensi Archiepiscopis; domino nostro venerabili patre Lamperto Agriensi Episcopo existentibus.
A B C
(Eredetie bőrhártyán, a vörös-zöld selyemzsinóron függött pecsét elveszett, a budai kir. kamarai levéltárban.)