Nos frater Gerardus Vicepreceptor Domus Hospitalis Noue Curie omnibus presentes inspecturis duximus significandum, quod cum secundum tenorem litterarum Ch. - - - Comitis Zladiensis Dyonisii Comitis de Syrmia, qui inter Leonardum et Rorandum filios Stephani filii Zered, qui presentes aderant ab vna parte, Magistrum Hoholdum filium Comitis Hoholdi ex altera, super facto terre Horwat, de Sancto Martino et Wsa uocatis arbitri deputati per dominum Regem; et cum ijdem filij Stephani in die Cinerum decem marcas argenti in pagamento soluere debuissent Magistro Hoholdo coram nobis, et soluere non potuissent, et rursus a die Cinerum vicesimo die alias decem marcas argenti in pagamento soluere debuissent antedicti, Leonardus et Rorandus filij Stephani pro se coram nobis uiua uoce retulerunt, quod terras superius nominatas, videlicet terram Horwat, de Sancto Martino, nec non terram Wsa, eo quod illas viginti mercas argenti soluere non possent, reliquerunt eidem Magistro Hoholdo personaliter astanti sub eisdem metis, signis et terminis, super quibus pater ipsius Comes Hoholdus beate memorie a patre ipsorum, Stephano videlicet filio Zerend possedit, perpetuo possidendas; et si aliquo in tempore prefati filii Stephani filii Zered cum eodem Magistro Hoholdo racione dictarum terrarum litem incoauerint super premissis, omnino habeantur pro conuictis, sicut ad hoc se ultronea se (így) obligarunt uoluntate. Actum in medio XLe anno Dominice Incarnacionis millesimo ducentesimo sexagesimo sexto.
(Eredetie bőrhártyán, hártyazsinegen függő pecsét alatt, a budai kir. kamarai levéltárban.)