Nos Comes Paulus Judex Curie domini Regis damus pro memoria, quod cum iuxta continenciam priorum litterarum nostrarum modum et formam judicij nostri continencium, Magister Johannes dictus Zonk in causam attractus instrumenta sua in facto possessionis Zaka vocate in Comitatu Aba-Wywariensi iuxta fluuium Hornad existentis confecta in octauis Beati Martini confessoris contra Nicolaum de Zabam actorem exhibere debuisset coram nobis; tandem ipso termino occurrente primo predictus Nicolaus de Zabam quoddam priuilegium olym domini St. Dei gracia junioris Regis Hungarie, Ducis Transiluani et Domini Comanorum anno Dominice Incarnaci onis M° ducentesimo sexagesimo quinto confectum nobis presentauit, 132in quo vidimus explanari, quod idem dominus St. junior Rex attendens fidelitates et seruiciorum merita Herthuig Castellani de Tubul, et Herrici fratris sui, in recompensacionem seruiciorum eorundem quandam terram Noui Castri Zaka vocatam, iuxta aquam Hornad existentem tunc vacuam, quam quondam Chepanus anus eorundem Herthuigh et Herrici ex donacione Emerici Regis possedisse, a iurisdiccione dicti Castri liberam penitus et exceptam cum suis vtilitatibus et pertinencijs sub hijsdem metis et terminis, prout ipsa terra primum per idem Castrum, et postmodum predictum Chepanum dinossceretur fore possessa, ipsis Herthuigh et Herrico filijs Compolth, et eorum successoribus contulisset perpetuo possidendam stb. Datum in Wyssegrad decimo die termini prenotati, anno Domini M°CCC°XXX° nono.

(Eredetie bőrhártyán a budai kir. kamarai levéltárban. V. ö. Fejér Cod. Dipl. IV. köt. 2. r. 297. l.)