089. IV. Béla királynak Kokos Nyitramegyei földet tárgyazó adománya István, Lothardnak fia számára. 1265.

Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Comanieque Rex omnibus presentes litteras inspecturis salutem in omnium saluatore. Deposcunt merita et fidelitates exigunt Corone Regie deuotorum, ut eorum peticionibus tanto fecundiori fauoris gracia occurrat Regia Celsitudo, quanto se fideliores in Regni negocijs magistra rerum experiencia docuerunt. Proinde ad uniuersorum noticiam tenore presencium volumus peruenire: quod ad nostram accedens presenciam Stephanus filius Lothardi de - - - pecijt a nobis humiliter supplicando, ut in collacione cuiusdam terre Castri Nytriensis Kokos vocate, sibi de benignitate Regia prouidere dignaremur. Nos siquidem consideratis ipsius Stephani fidelitatibus et meritorijs seruicijs, que nobis et Regno nostro in diuersis expedicionibus nostris, et specialiter iuxta Morawa in exercitu nostro contra Regem Boemorum habito inpendit in feruore fidelitatis approbate; animaduertentes eciam, quod idem Stephanus fidelia nobis seruicia inpendere poterat (így) in futurum; nec non pro morte nobilis iuuenis Leustachij fratris sui, qui in predicto exercitu nostro in fidelitate Corone Regia (így) debita, contra eosdem Boemos dicans (így) hostium tandem wallatus multitudine in area certaminis in conspectu omnium Baronum et nobilium Regni nostri, laudabiliter extitit interemptus; predictam terram Kokos vocatam, ad castrvm Nytriense pertinentem sub eisdem metis et terminis, quibus idem castrvm Nitriense possidebat, ipsi Stephano in acerbi doloris sui consolacionem et remedium, et per eum suis heredibus heredumque suonim successoribus de Regia munificencia dedimus, donanimus, concessimus, locauimus et contulimus iure perpetuo et irreuocabiliter possidendam, et eundem St. per Chaak Banum Comitem Nitriensem dilectum et fidelem nostrum in corporalem possessionem terre memorate fecimus introduci. Vt igitur huius nostre collacionis series robur obtineat perpetue firmitatis, presentes concessimus litteras dupplicis sigilli nostri munimine roboratas. Datum per manus Magistri Demetrij Albensis Ecclesie Prepositi aule nostre Vice-Cancellarij dilecti et fidelia nostri, anno Domini M°CC°LX° quinto, Regni autem nostri anno tricesimo quarto.

(IV. László királynak 1277-ki megerősítő okmányából, mélt. Szalay Ágoston Okmánygyűjteményében.)