Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex uniuersis Christi fidelibus presens scriptum inspecturis, salutem in salutis largitore. Regie liberalitatis immensitas recompensans liberamine merita subjectorum, dum bene meritos condigne retribucionis solacio refocillat, et ad dignioris status preeminenciam subleuat, et suorum plurimorum mentes ad fidelitatis feruorem excitat, dum bene merendi studia fideliter emulantibus calcar addit. Proinde ad universorum noticiam, harum serie uolumus peruenire, quod hospites nostri de Hybe de Lyptou ad nostram accedentes presenciam pecierunt a nobis cum instancia diligenti, ut eisdem ipsam eandemque graciam et liberalitatem conferre dignaremur, qua hospites de Corpona ex nostra collacione dignoscuntur gratulari. Nos igitur pro ipsorum bono commodo, et augmetacioni invigilare cupientes, considerantesque utilitates proficuas et fructuosas ex continuis laboribus eorundem nobis et Regno nostro posse prouenire temporibus opportunis, peticionibusque eorundem in hac parte favorabiliter inclinati, premissam liberalitatem hospitum de Corpona de gracia speciali eisdem duximas concedendam. Ita ut ijdem hospites villicum inter se, quem voluerint, eligant, qui omnes causas inter ipsos ortas possit et debeat iudicare; sed si aliqua causa inter extraneum, et ipsos hospites, uel aliquem ex hospitibus contingeret exoriri, extunc illam causam villicus, et Comes illius extranei, qui agit, vel contra quem agitur, pariter iudicabunt; et iudicium hospitis percipiat villicus, iudicium uero extranei Comiti suo debeat prouenire. Preterea sacerdotem sive Plebanum eligant, siue suscipiant, quemcunque et undecunque voluerint, de communi voluntate, qui omnes decimas eorundem in agris percipiet, et exiget in specie ex integro; pro quibus idem Plebanus de singulis quinquaginta 127mansionibus domino Archi-Episcopo Strigoniensi in una marca fini argenti tenebitur respondere; decimas eciam ab eis nobis debitas per omnia duximus indulgendas. Item concessimus eisdem hospitibus, ut ipsam totamque terram Hybe, prout est et adjacet, possideant; et liberam in sylvis, et in aquis intra metas suas ejusdem terre Hybe contentas versus Scepes, venandi, et piscandi habeant facultatem; excepta aqua Vag, in qua nullus in eis piscari poterit ullo modo. Item concessimus, quod hospites eiusdem ville Hybe nullum ibidem tributum in foro Hybe soluere teneantur, et quelibet mansio unum pondus auri in festo Sancti Martini nobis soluere tenebitur, anuatim, quod aurum judex ipsorum nobis deportabit. Volumus eciam, quod nec Comes de Lyptov, nec alter aliquis super eos descendendi, nec iudicandi habeat potestatem, sed solummodo, ad nos siue ad Regiam Majestatem pertinebunt, sicut hospites nostri de Corpona et de Bana. Mete autem eiusdem terre Hybe hoc ordine distingvuntur: Incipit ab alpibus magnis Tharchob dictis a parte orientali, et descendit in aquam riuuli Fejerpotok dicti; per quem descendit, adhuc versus meridiem usque in fluuium Vasych; quem intrando currit in eodem usque ad fluuium magnum Vag, quem percurrendo cadit in ipsum, et descendit in eodem usque in locum illum, ubi quidam fluuius Bela vocatus cadit in ipsum Vag; per quem fluuium Bela ascendit usque ad alpes superius expressas, ibique terminatur. Ut igitur huius liberalitatis series inconcussa perpetuo, et irrevocabiliter perseueret, presentes eisdem concessimus litteras duplicis sigilli nostri munimine roboratas. Datum per manus discreti viri Magistri Farkassij Albensis Ecclesie Electi aule nostre Vice-Cancellarij dilecti et fidelis nostri, anno Domini millesimo ducentesimo sexagesimo quinto, duodecimo kalendas Augusti, Regni autem nostri anno tricesimo.
(V. István királynak 1270-ki megerősítő privilegiumából.)