A B C D E
Capitulum Ecclesie Beati Petri de Posaga vniuersis Christi fidelibus tam presentibus quam futuris salutem et pacem in Domino sempiternam. Gesta temporalium litteralia memorie solent commendari, ne processu temporum certa possint dubijs commutari. Uniuersitatis vestre deuocioni tenore presencium duximus insinuandum: quod Nycholaus filius Dezyzlay ab una parte, et Mathyas frater Zauyde de genere Borych Bani ab alia constituti coram nobis, tale concambium inter se protulerunt ordinasse; quod prefatus Mathyas frater Zauide quandam terram suam nomine Podwrs, vicinam et conterminam terre autedicti Nycholay, dederit et statuerit eidem Nycholao tam sibi ipsi, quam suis successoribus in 114perpetuum possidendam. Memorata autem terra Podwrs taIibus existit metis circumscripta; cuius prima meta incipit ab oriente a quodam fluuio nomine Hodal iuxta terram Nicholay, et uadit per unam magnam viam uersus occidentem, et incidit in fluuium nomine Lezkoa; et per eundem fluuium ascendit nersus aquilonem, et in ascensu per eundem fluuium peruenit ad duas metas ad quoddam berch; et ab hijadem metis prope transit unam viam, et deuenit ad unam metam; et ab illa meta descendit per directum ad vallem in fluuium nomine Zqworch; et per ipsum fluuium reflectitur et tendit uersus orientem, et eundo per illum eundem fluuium supra mansionem Wolkaz exit ad arbores duorum cerasorum declinans uersus meridiem; et exinde uadit ad unum berch in quoddam virgultum, sub quo est una meta; et deinde descendit in riuum nomine Dolboka, et deinceps per eundem riuum ipsa terra Podwrs est contigua et contermina terre sepedicti Nicholay, et sic terminatur. E conuerso autem idem Nicholaus quandam terram suam nomine Proucha, vicinam et conterminam terre Mathie supradicti eidem Mathie in concambium terre pretaxate dixit se dedisse similiter tam sibi ipsi, quam suis successoribus in perpetuum possidendam; cuius terre mete per circuitum sunt tales: Prima meta incipit a terra ipsius Mathie in fluuio Proucha ab uno littore, et uadit per unam viam uersus orientem usque ad aliam viam sed veterem, que declinat uersus meridiem, et ibi in commetaneitate cum terra Mathie tendit ad unum puteum; et exinde uadit uersus occidentem ad litus, quod est in predicto fluuio Proucha, et ibi est meta; et ab eodem littore per ipsum fluuium terra Proucha existens commetanea terre Mathie sepedicti redit ad locum littoris in inicio nominati. Insuper autem idem Nicholaus pro equipollencia concambij addidit Mathie sepius nominato decem et nouem marcas. Vt autem huius concambij series perpetue firmitatis robur obtineat, nec umquam (ab) aliquo ualeat in dubium reuocari, presentes litteras ad petitionem parcium concessimus nostri sigilli munimine roboratas, anno gracie M.CC.LX. quarto.
A B C D E
(Eredetie bőrhártyán, melynek vörös-zöld selyemzsinóron függött pecsétje elveszett, a budai kir. kamarai levéltárban.)