049. A székesfehérvári káptalannak bizonyságlevele, hogy Soulogi Sándor, s Henyz, és Alheit Jakabnak leánya, Burrónak pedig neje, a Soulog birtokból járó hitbér és leánynegyedre nézve egyezkedtek. 1263.

(C)apitulum Albensis Ecclesie vniuersis Christi fidelibus presentem paginam inspecturis salutem in Domino sempiternam. Vniuersitati uestre tenore presencium intimamus, quod constiutis coram nobis Alexandro filio Jakou de Soulog ab una parte, et Henyz filio Jacobi, ac Burreu una cum uxore sua nomine Alheyt filia eiusdem Jacobi ex altera; propositum extitit per eosdem: quod cum idem Alexander, prefatos Henyz et Borreu super facto terre Soulog ad presenciam domini Regis euocari fecisset, quam racione dotis uxoris Henyz decedentis filij Buchu, aue ipsorum iunioris Henyz et sororis sue domine prefate Alheyt, et racione quarte matris eorumdem nomine Elisabeth filie dicti decedentis Henyz, idem iunior Henyz et domine Alheyt soror ipsius prefata detinebant; tandem extitisset taliter ordinatum inter ipsos, quod predictus Alexander pro dote et quarta antedictis solueret decem marcas Henyz et Alheit sorori sue memoratis, et ipsa terra Soulog in ea quantitate, in qua racione ipsius dotis et quarte detinebatur, 74ipsi Alexandro soluo iure remaneret. De quibus decem marcis secundum ordinacionem prescriptam idem Henyz et Alheyt soror sua quinque marcas argenti receperunt coram nobis de Alexandro supradicto, residuas uero quinque marcas in estimacione sunt confessi recepisse antea ab eodem; relinquentes terram de terra Soulog, quam detinebant, racione predicta eidem Alexandro pacifice possidendam; obligantes se dictus Henyz et domina Alheyt prefata, quod quicumque nomine dotis et quarte predictarum prefatum Alexandro uel eius heredes in futurum molestaret, ipsi expedire tenerentur labore proprio et expensa; renunciando omni liti et accioni ipsorum; et pariter litteris, si que fuerant inter ipsos de premissis antea eamanate. Vt igitur huius rey series robur obtineat firmitatis, eidem Alexandro ad peticionem predictorum presentes concessimus litteras nostro sigillo communitas. Anno Domini M°CC°LX° tercio, pridie idus Julij. Magistro Farcasio Ecclesie nostre Electo aule Regis Vice-Cancellario, Gregorio Cantore, Feliciano Custode, Jacobo Decano existentibus.

(Eredetie bőrhártyán, vörös-zöld selyemzsinóron függő pecsét alatt, a főmélt. herczeg Batthyány család levéltárában.)