046. István ifjabb királynak Dumuszló Abauj megyei birtokot tárgyazó adománya Kumpolth comes számára. 1263.

Stephanus Dei gracia junior Rex Hungarie, Dux Transsiluanus, Dominus Cumanorum, omnibus Christi fidelibus presentem paginam inspecturis salutem in omnium saluatore. Fidelitates et merita subditorum ad ampliandam Regalem graciam in subditis Celsitudinem Regiam non inmerito attrahunt et inuitant, ut ex hoc exemplo fideles ad acquirende gracie cupiditatem multo forcius accendantur. Proinde ad uniuersorum noticie (így) harum serie declaramus: quod attendentes fidelitates et seruiciorum merita Cumpolth Comitis filij 70Cumpolth dilecti et fidelis nostri, que idem ab ineuntis etatis sue temporibus Regno in multis articulis, et diuersis et quampluribus expedicionibus, nec rebus uolens parcere, nec persone, et postmodum nobis exhibuit fideliter et deuote, in reconpensacionem seruiciorum eiusdem, volentes grata vicissitu dine occurrere, quamquam pro modico reputemus, quod ad presens agimus, terram Dumuslou vocatam in Comitatu de Aba Vyuar, in qua populi drauch inantea residebant, contulimus eidem Cumpolth Comiti et suis heredibus heredumqve successoribus perpetualiter et irreuocabiliter possidendam, sub hijsdem metis et terminis, sicut per priores possessores ipsa terra limitata extitit et possessa. Vt igitur hec nostra collacio robur obtineat perpetue firmitatis, presentes concessimus litteras duplicis sigilli nostri munimine roboratas. Datum per manus Magistri Benedicti Prepositi Orodiensis aule nostre Vice-Cancellarij ano Domini M°CC°LX° tercio.

(Eredetie bőrhártyán, a pecsét töredéke még megvan, a budai kir. kamarai levéltárban, hol IV. László királynak 1274-ki és III. Endre királynak 1294-ki megerősítő privilegiumai is őriztetnek.)