Bela Dei gracia Hungarie, Dalmacie, Crowacie, Rame, Seruie, Gallicie, Lodomerie, Cumanieque Rex omnibus presentes litteras inspecturis salutem in Domino sempitermani. Ad vniuersorum noticiam harum serie volumus peruenire, quod Egidius, Tyburcius et Petrus filij Egidij de Kanysa in nostri presencia personaliter constituti, vsum silue sue de Kanisa Comiti Prynch filio Renoldi, et populis ac animalibus eorundem secundum continenciam litterarum Capituli Albensis dixerunt se perpetuo vendidisse, suplicantes, quod ipsas litteras nostro priuilegio dignaremur confirmare. Quarum quidem litterarum tenor talis est:

Capitulum Albensis Ecclesie stb. (következik a székesfehérvári káptalannak bizonyságlevele, mint fentebb 27. sz. a.)

Nos igitur iustis peticionibus eorundem assensum fauorabilem adhibentes, easdem litteras Capituli presentibus de uerbo ad uerbum insertas duximus confirmandas. In cuius rei testimonium et perpetuam firmitatem ad peticionem prenominatorum filiorum Egidij presentes eidem Comiti Prynch, et per eum suis heredibus heredumque successoribus concessimus litteras duplicis sigilli nostri munimine roboratas. Datum per 63manus Magistri Farcasij Electi Albensis aule nostre Vice-Cancellarij dilecti et fidelis nostri, anno Domini millesimo ducentesimo sexagesimo tercio XIIII. kalendas Aprilis, Regni autem nostri anno vicesimo octauo.

(Eredetie bőrhártyán, a sárga-barna selyemzsinóron függött pecsét elveszett, a budai kir. kamarai levéltárban.)