031. IV. Béla királynak az Oundi Gergely és Sukuroudi Isép, s Ebed fiai közti perben új határnapot rendel. 1262. körül.

Nos B. Dei gracia Rex Vngarie damus pro memoria; quod Gregorius de Ound, et Isep de Sukuroud pro se et pro cognatis eorum ac pro filiis Ebed coram nobis constitutj, contra Ponith Comitem personaliter astantem exhibuerunt nobis litteras sub pendentibus sigillis venerabilium patrum Ph. Strigoniensis Archiepiscopi et Symragdi Archiepiscopi Kolocensis ac aliorum Barronum nostrorum et Barronum Regis Stephani karissimi filij, iudicum per nos et per Regem Stephanum deputatorum super facto possessionum suarum confectas, quibus inspectis cum iudicium proferre uoluissemus inter partes; idem Ponit Comes respondit, quod ipse haberet litteras predictorum venerabilium patrum et Barronum sub eisdem sigillis, per quas predictas litteras per Gregorium de Ound et Isep de Sucuroud exhibitas posset infringere seu anichilare; super quo decernimus, quod in quindena Beati Michaelis predictus Ponich litteras predictas Barronum nostrorum et Barronum Regis Stephani, quas dixit se habere, coram nobis exhibere debeat occasione qualibet non obstante; eodem eciam die predicti Gregorius et Isep litteras suas coram nobis exhibitas similiter exhibere debeant coram nobis, ut uisis ipsis litteris ex utraque parte exhibitas (így), et tenoribus earundem perlectis, iudicium debitum proferamus inter partes. Quia contra Magistrum Sm. Prepositum Albensem Vice-Cancellarium aule nostre per Ponich Comitem fuit suspicio, presentes litteras sigillis Barronum nostrorum, uidelicet Magistri L. Judicis Curie nostre Comitis Musuniensis, Moys Magistri Thauarnicorum Incliti Ducis Bele karissimi filii nostri Comitis Symigiensis et Worosdiensis, et Ernei Bani Comitis Nitriensis fecimus sigillari. Datum iuxta Danubium prope Sanctum Johannem quinto die octauarum Natiuitatis Beati Virginis.

(Eredetie bőrhártyán, melyről a pecsétek már elvesztek, a nemz. Muzeum kézirattárában.)